王府整大包 (長頸鹿包 10.3)

王爺，做湯種麵包係咪用唔到定時功能？

跟進一下新包。

現在喜歡一爐兩味。
用8字搓面程序，1小時30分鐘，當面搓到1小時，停機，最出來做型，或加入餡料，
之後放回去，30分鐘再發大。
發到兩倍大，再按12烘焙程序，1小時烘焙。

提子包和巧克力包。



上星期五去新鴻基中心，地上有一間大的超巿。
買了韓國高筋面和黑糖，做黑糖方包，正！



之後又做了一爐兩味，今次是腸仔粟米和紅莓包。

嘩！腸仔都彈出來了！


出爐兩味包，左邊腸仔粟米，右邊紅莓。



切開來！香﹑鬆﹑軟，外皮脆，口感一級番！

紅莓包好好食，食上癮，又整湯種巧克力紅莓包。

約1.8磅
材料：韓國高筋面400克
      韓國黑糖65克
      鹽5克
      湯種120克
      酵母 8克
      蛋一個約60克
      奶200克
後加的材料：
      橄欖油3湯匙(形成面糰才加入)
           紅莓切碎，隨個人喜好加多少
      榛子巧克力切碎，隨個人喜好用任何現成食得的巧克力

面包機按5字甜包功能，完成時間約2小時55分。
成糰時加入橄欖油，BB响時加入紅莓和巧克力。

        



我的面包刀，PASCO 出品, 十幾年前PANASH在買面包有免費換。
面包刀要夠長，30CM最少，刀鋒要有鋸齒，微波浪型。
切包時要左手按包，右手水平前後拉鋸，不要斜切；這樣切出來就很好，面包屑也少。

農曆新年之前做了松子卷包，巧克力卷包。

好香好好味！


一卷卷放入去焗。


焗好也可以一卷卷撕開食



大大粒鮮松子！


家中的羅白糕，馬蹄糕食完後，又做了巧克力卷和葡萄卷。
實行一爐兩包到底！



左邊巧克力，右邊葡萄。



以上四款包都是用了法國牛角酥的做法，
即是搓好面糰後，取出來用趕面棍攤平面糰，包上牛油，巧克力或葡萄，摺三摺，再摺三摺，做成千層。
再將面糰切開做形，或不切開，整個做成吐司包(方包)。

用機做真係好方便，我雖然之前都有做包，但唔係時時提得起勁搓粉，所以都唔係成日有包食。
用麵包機搓粉加發酵，真係會勤力好多。

天天做包的生活還可以，

但不可能天天新款。

上週做了一次枣子包，黑糖松子包。

枣子是新疆的棕櫚枣，很甜的，所以包的材料減糖，
只用了15克糖。


黑糖和松子


這次也是做卷包。
出來很香甜，枣子很軟糯，非常美妙。


左邊枣子包，右邊黑糖松子，YUMMY。

日日入嚟睇你地啲包
口水係咁流

仲要係响出面買吾到嘅

終於做咗合桃紅莓包，1.5磅，超正！
可能發酵過度，焗完中上部有少少凹陷。
但味度實在太好。



配方一樣是湯種125克的甜包做法。
按5字，搞面搞到個機「咇咇」响，加入切半合桃和紅莓。

純屬個人喜好，我覺得湯種做出黎乜嘢包都好味。
但餡料就以紅莓最能帶出包香。
松子油份多，所以包的口感較豐富，易滯。
合桃就非常好，有果仁香，又不會太油。

今朝食柚子包。

將材料中55克糖，換成55克柚子茶，不必沖水，直接加入液體材料中。

後來想有少少果仁，於是第二次發酵後，拿半糰出來加入合桃，所以成品只有半邊有少少合桃。



因為沒有放黑糖，包色十分鮮亮！

王爺, 我抵擋唔住你的美味麵包, 自己也買了部機. 我想朝早吃到熱辣辣麵包, 如果要半途加料, 咪要三更半夜起身囉 有無解決方法呀.

Springonions 發表於 2013-3-15 16:05
王爺, 我抵擋唔住你的美味麵包, 自己也買了部機. 我想朝早吃到熱辣辣麵包, 如果要半途加料, 咪要三更半夜起 ...

睇你加咩料啦,如加麥皮,呀麻籽,黑櫻米等,較為硬的或不怕碎的,材料可以同麵粉一齊加入

Springonions 發表於 2013-3-15 09:05
王爺, 我抵擋唔住你的美味麵包, 自己也買了部機. 我想朝早吃到熱辣辣麵包, 如果要半途加料, 咪要三更半夜起 ...

春蔥，咁真喺有難度！！

因為基本上半途加料有時在打好面糰之後，約30分鐘第一次發酵之後。
有時要第二次發酵之後，攞出黎整形，約1小時30分鐘之後。

面包機焗面包約60分鐘，一定要佢開始焗之前放晒所有加料，或做完整形。

王爺，我想偷師：一包兩味（卷包）一邊火腿粟米，一邊紅豆蓉。整形是第一次或第二次發酵完做？

多謝王爺，明天整完報告

你地再咁引我，我要強行徵收包稅了，以包代$～～～　

jellyfishy 發表於 2013-3-23 17:30
你地再咁引我，我要強行徵收包稅了，以包代$～～～　

呢個岩唔岩口味呀:






jellyfishy  打”水母”棒！  

法包真係好難玩, 難為呀 SIR 對住我地呢班 LADY.....

andyman 發表於 2013-3-23 11:13
呢個岩唔岩口味呀:  

笑爆咀，棒打水母

自從用了面包機，一般常常做合桃紅莓包，沒有更新這帖。

最近看到花友做「長頸鹿包」，又心思思玩吓。

王府的面包配方永遠一樣。

MENU 5, 甜包做法。
材料：面粉350克，水或奶120克，鹽5克，糖55克，油15克
      湯種125克，酵母8克

朱古力包部份，在第二次發酵時加入朱古力粉50克。
然後停機，把面糰取出來做形。
造好後放回機內，等發酵5分鐘，停機15分鐘，即延時發酵多15分鐘。

最後再開機，等佢自動完成發酵和烘焙。

第二朝起身，有新鮮面包吃！

搞了一陣，可貼圖了！

分兩份，一半加入朱古力粉，放回再發酵。


朱古力糰切成七份，白面包也切七份，
白色包朱古力，合成七份，再捲成一個大包。



很美，但不太象長頸鹿斑。


湯種包，很軟，放幾天也不易變硬。

請問呢部係咩機呀？係咪億世家？好唔好用呢？ 因為想平平地買返部...唔好意思咁多問題, but thanks!