~~大家去港鐵站交收要小心D喇~~

打擊水客變亂殺良民　
港鐵任意擴權　
接仔等人隨時罰錢
http://hk.apple.nextmedia.com/news/art/20121206/18092188

水貨活動令港鐵站烏煙瘴氣，為整頓站內秩序，港鐵近日加強執法，嚴打站內交收活動，惟連累本港市民。速遞公司、網購買賣雙方在閘口傳遞貨品均會被檢控，最高罰款5,000元；連相約親友在站內等候、接送小孩及傳遞餸菜予家傭也遭殃。前立法會交通事務委員會主席鄭家富質疑，港鐵為方便執法，對鐵路附例內空泛的條文作無限演繹，容易造成權力過大及擾民。

港鐵近日在車站張貼告示及廣播，嚴禁在車站範圍交收貨品。多名中招網民在網上大吐苦水，稱相約拍賣網賣家在旺角站閘口交收貨品被罰款，「我冇出閘，賣家就喺閘外，突然有職員行嚟，話唔可以交收，之後佢出咗張告票，罰2,000蚊」。

...............................

咁大件事

呀....接係當交收仔仔?

呀媽漏左銀包，攞番個銀包比媽媽都唔得?


------------------

一定要係站外做交收，要計多一筆交通費先為度數喎.....

咁...會唔會唔係閘口交收，而變左月台多左人交收呢?

我自己諗法，會係出開街要坐港鐵先約人交收，跟住進行地底交易囉...

我地成日都會交收咖喎

咩公司咁巴閉....水貨客未管好...仲要佢地咁得閒判斷咩叫交收...接仔...
正事唔做理閒事~

唔係好信喎~ 我成日响站內等人, 近日都唔見有職員做d 咁既事~  Apple Daily 的東西, 信一半先啦~ 無其他報館有更實質的報導, 我唔會信囉.

唔怪得我個日係尖沙咀站不斷聽到廣播啦...
不過現場既人好似冇咩理會喎
不過都係小心為妙,唔係比人罰錢就唔抵

可能多水貨客出入的站才會吧？上水、粉嶺、羅湖等。如果太子旺角沿線都係就大件事了。

一陣打電話去問下先...我覺得要反影下我地既意見...
唔係佢地只係聽到某一邊既意見...做既決定只係適應某一類人...
另外既其他類人，佢地會忽略左....

剛剛打去港鐵問過.....
佢帶我遊花園，話港鐵附例有一條係話要遵從張貼既告示。
但我好實質問佢，我地既花友會交收植物，但無錢銀交易，咁又得唔得呢...
佢就答我，佢地係一個運輸工具，最好就唔好啦...要交收就要係港鐵站出面。我問係出左閘定係完全係港鐵建築物外邊...佢話係建築物外邊...

咁我又問佢，如果湊仔，交收個BB咁點算...又或者呀媽漏左銀包，攞番比佢咁又點計呢?
佢就話，唔係太過份既，係無問題，但太過份既佢地會勸譽....如果唔聽都會出告票....
但就無話咩叫做太過份囉...

以上係我大概既記憶，實質字眼可能有出入。




以我自己理解......就係...無硬性概定咩叫做過份，咩叫做可以.....留有空間比佢地自己執生...
我諗都係會睇下做左之後，外間既反應。

小野貓  嘩~ck大大你好大效率丫~我唔鬼理佢..下星期要交收~

咁你做下報告丫...睇下有無人[目及]實你...

粉嶺同上水一直好嚴,(有水貨客開始),閘口交收會比人哦哦哦,佢d員工睇得好實。

唔記得左報告下添...唔係個個站都捉播....我交收果個站無野~可能唔係太多人~

siuhamster 發表於 2012-12-6 10:43
唔怪得我個日係尖沙咀站不斷聽到廣播啦...
不過現場既人好似冇咩理會喎
不過都係小心為妙,唔係比人罰錢就唔 ...

應該係講D地產經紀~~

完全可以不用理會~~出告票我打死唔接~唔出示身份証明文件~
未有警察到場~搶閘離站~職員咬我食?
話分兩頭~交收時都盡量避免阻塞通道~影響到其他人亦唔好