講開小丑魚, 唉....
上兩個星期, 有個好朋友見過我有一條巴東小丑魚, 佢覺得好可愛, 跟住自己走去魚街望下望下又俾d 無良sales講兩句, 最後一氣過買了三條巴東, 同日帶來我家, 話佢地好得意, 想我幫手養大佢地.....
我話: 你知唔知呢三條小丑都係much much 大過我原本個條, 而其中一條你新買的小丑個樣唔多掂, 應該過唔到今晚, 仲有, 我個缸係'公屋', 家下已經爆燈, 再加魚會反缸架....
但.... 唉.... 我朋友都唔知我講乜, 我又覺得佢只係一時愛心起, 唉..... 好難話唔收容呢三條小丑魚.... 唉... 咁就大鑊喇.
過左一個鐘, 新收的一條病仔就係對水時已經蕉左.
一晚之後, 原居民小丑魚就無家可歸, 因為佢最細, 俾其他兩條趕左出海葵家, 真係無陰公.
到了第七天, 原本的小丑魚 dying...
呢幾日, ph7.8!!! 個 rt over load 呀~~~~
要係咁吸沙面d垃圾,減低organic waste, 加埋換水,加ph,加calcium.... 唉~~ 粉累的.
今晚,發現幾條魚都有白點.....真係好鬼煩呀.
同朋友傾左好耐...
呢一刻,決定未來幾天找個半天假來個'魚仔'大搬家,離開原本的rt去一個臨時缸暫住一個月,等原本的rt 可以休息一下,再養番好d水,等白點個 cycle 完晒,然後才放小丑魚回家.
希望呢個做法可以避免反水啦.
但真係好xyz 的煩呀.
[ 本帖最後由 kim 於 2008-5-26 00:24 編輯 ] |