剛開始種第1棵大岩桐(花墟買10蚊盆),有問題請教!

我剛開始種第1棵大岩桐(花墟買10蚊盆)
1.想知買回來的大岩桐需不需要換植料(睇到係科學泥)?
2.買回來的會有球根嗎?
3.睇過資料,可以曬太陽(除正午太陽外)但唔可以淋雨,淋水唔好淋到葉,植料9成乾淋水,開花期間唔好落肥!還有其他要留意的嗎?
4.葉插的話係唔係最好用3合1泥及加蓋保持濕度?
5.請問佢怕熱or怕冷?

換唔換泥自己決定
我無買過唔知有沒有球根
照你講的都差不多，無咩特別要注意
插葉同AV一樣，但我覺得容易啲，而且塊葉切開晒都可以生根有小苗
冬天會休眠

插葉要好耐架~如果買返黎已有側芽就插側芽會快d,因為插葉會係下面先長少許根同會長球...球要到一定程度大先再長芽~

我同事上年買左棵12蚊，開十幾朵複瓣紅色花，無換泥，有球，開完花大概4個月後換泥，佢而家又開緊花。

花友送比我的第一棵苦海大岩洞，我由上年10月左右種到而家，經驗係：


切球根、插葉，插側芽繁殖都試過，插側芽最快，好快開花，其次球根，插葉最慢，但睇個過程好過癮。


個人經驗，葉、花都唔好大量接觸水，因為會唔靚。陰曬。開花期我都有比花肥，花期會stand得耐一點，唔重手便ok.
在我家中，我量過，室內種，冬天15-夏天35度佢都好自在。

忍唔住，貼佢個靚樣出唻先


各位, 對唔住呃左你地分, 這是舊花唻架, 年頭開架嘞, 我會記住你三個, 有分時比返你地 新花準備開, 我等緊

呢棵插葉的

好似玫瑰花多謝Karine 既經驗之談,又學到野