本帖最後由 Christopher 於 2012-9-25 23:58 編輯
小草子 發表於 2012-9-25 22:54
我正想放一盆在公司!請問我應該怎麼做?有甚麼要注意的?
1) 佢地為左做生意, 一定用D好鬼死細既盆, 感睇落好睇但對植物生長非常不利, 所以買左之後一定要換大盆
2) 佢地好鍾意用玻璃紙 "遮百醜", 所以買返來一定要好好檢查, 買時通常你睇唔到 (因為玻璃紙包住只見到個頂), 個底D葉成日比水浸爛, 棵野好大可能有虫, 而且系 "潛葉虫" 機會率好大, 所以D有問題既葉就算只系葉既一部份都唔可以留!
3) 有虫時一定要清淨, 唔可以留, 所以 蒜頭辣椒水, 柑橘皮水果D最好有存貨, 萬一有虫就一噴要噴 5日!
4) 如果OFFICE 長期有冷氣, 水份流失比較多, 日日CHECK下夠唔夠水, 好似金不換就要日日淋, 迷迭香就見乾先淋
5) 溫度要注意. 迷迭香不受熱, 甜羅勒不受寒
6) OFFICE 最好唔好太暗, 好多香草喜歡光仲會追光, 所以唔好放系D暗位
7) 金不換 出名粗生, 又香又大棵, 如果你想盆野大D好睇D又好照顧, 金不換幾好架, 不過佢冇水就即 DOU 頭... 如果你公司D冷氣成日好凍, 你又唔系成日記得淋水, 迷迭香就OK啦, 迷迭香耐旱怕濕, 耐寒怕熱, 所以又涼又爽既地方就最適合 |