心臓手術

我有個朋友（49歳），原本入院通波仔（3條血管塞了），但後來醫生發學佢心辦倒流，建議佢要換埋心辦 + 搭橋（唔通波仔）
請問各位，有冇朋友做過類似既手術，手術後情況如何？因有朋友話開刀後遣症多，建議用中藥治療，所以佢15, 16 都唔知點算。
謝謝！

塞三條血管已經好危險

我都係咁話，e+搵中醫搞，未免太遲。

心臟唔講得少,隨時暈低就冇架啦

我親戚(鬼佬,年70)都係3條血管塞了,一條全塞冇得通,一條通得一半,一條可以通曬,安裝心臟起?器.心臟問題要快d決定,唔講得笑~

我阿爺廿多年前做過心臟手術, 印象中住院最小兩星期, 手術後身體差左一定有.
你朋友情況睇落都幾嚴重, 現在睇中醫太遲了. 我覺得先做手術, 休息一段時間, 再睇中醫調理會好d.

最好快D搞掂（開刀）吾好拖喇，中医吾系吾得但好慢好慢，49嵗就要做呢個手術算系早，好多都過多十年先要做嘅。

總的來說, 再拖好易冇

多謝各位既意見

搭橋唔識, 但家母曾做過換人工心瓣手術, 動物心瓣做咗後唔使食藥, 換咗後會點就唔知啦 人工心瓣做咗後要長期食藥, 到某段時期後要更換的! 做咗後, 有些對血有影響的食物要戒掉或少食, 間唔中傷口會痕或痛, 但係好好好輕微的~ 可能我阿媽較肥, 佢行得遠啲就會喘氣, 要企吓休息一陣間, 唔知係咪同心臟手術有關

你朋友有無乖乖地攺變飲食習慣和多運動（非劇烈運動）？乜都無變淨靠醫生的話，咁呢.... 唔會好囉．

我公司有個老伯司機68歲，佢和我好熟的，上年入院檢查發現往心臟所有血管塞了95%. 起初公立醫院要佢排今年一月做手術．老伯俾我知佢單野，我日日哦佢留意飲食，送左些麥皮要佢當早晚餐．平時佢開車接我的話，我又會哦佢，叫佢等我時，就要下車郁下，不要坐在車上成舊豬油膏．

隔左２個月，佢回醫院檢查，醫院發現佢ｄ血管100%塞晒，即要佢入院做手術，推左入手術室，轉頭又出來，話點解佢血管塞晒，係塞到無得通，做唔到手術．　但但但．．．奇怪係佢仲行得走得?  觀察到一月，再試做手術，但都係做唔到．．．　醫院detail check 伯伯，發一垷佢心臟對出生多左條新血管，血管狀況良好，所以伯伯行得走得，仲可以做司機添～　
伯伯好開心跟我講番佢單野，仲笑自己七十快到，居然回春～　我都好開心，他因為思想攺變飲食和生活習慣，所以救左他一命囉．

哦！麥片早餐

埋心辦 + 搭橋 要做開腔, 傷口好大, 香港心臟醫生係e方面係權威, 放心去做, 49都好后生, 好快復完, 我個仔做咗, 出生時同2years old.

connie925  生多左條新血管???? 下, 咁都得,真係難想像.........  發表於 5 天前

maybabe  血管居然可以再生.....................奇蹟  發表於 7 天前

擔泥  呢個真係有點兒像神績 ...  發表於 7 天前
-----------------
我都覺得神奇架～　伯伯現在仍然做緊公司的全職司機，當然，公司明白伯伯年紀大，佢個工作量是平常後生的一半啫～　伯伯keep住回醫院check，暫時都無需要做手術了～　
講多少少，伯伯話佢以前心境無咁開朗，廿幾年前老婆走佬，他身體開始差．近年子女長大，他無乜野顧，新公司無壓力俾佢，所以人開朗左，加上飲食清左，特別係多用麥皮代餐，身體就好好多喇～

好攪笑架，上個月伯伯的司機同事嘈，要求公司幫佢地調組，伯伯最近服侍第二條team，調過來的司機話，知我地呢邊無壓力俾佢，佢做得開心ｄ喎～　（嘻～　我地又唔係大富人家請司機，無人有架子喎，哈哈～～～）