7444# JicJicmom
老師晚上好 ~~~~ (今日積媽唔使淋水可以早d上網呀)
多謝老師成日寄野比我呀 ....... 積媽真係無以為報 !
上星期收到0既蕃薯苗下左泥, 今日買到新長盤就轉盤 , 響小盤扣出黎時 , 發現多左好多根呀 ~~
想請教老師, 呢輪雨水多, 對於下肥我真係頭都痕埋 ..... 我一直用開麩水, 呢家咁時勢就梗係唔用喇 , 呢頭倒左落去0個頭流番哂出來 ....... 我而家都係用豐收一號黎追肥 , 但總覺得唔係好夠咁 .....
呢d天氣 ( 遲d仲要打風落雨.....) , 對於"追肥" , "下肥" 老師有無乜野心得可以提點下我地呢 ?
唔該哂老師呀 ~~~ ^^
==================================================
積媽好!
唔使客氣嘅, 我冇所謂架!
寄種籽容易D, 寄苗苗就要細心D洛,
我通常體截郵前先整好信封, 揸車到郵局付郵架,
所以你地收到仲未好殘架!
我體落雨天過後或間中有陽光時會立刻追吓薄肥嘅.
一般採用两個方式進行:
大面積嘅會淋麩水或灑放花生麩粉粒.(睇吓天氣好轉情度而定)
細面積及盤種嘅, 多數用短指耙整鬆表土淋上麩水,
亦會體盤沿位挖開表土埋放花生麩粉粒及肉骨粉, 有需要咪落埋紅牛鉀肥添! |