原帖由 chuping 於 2008-5-28 00:37 發表
嘩嘩嘩~~! 你種D提子好得呀!! 種盆定落地?
...請教請教, 我三星期前買了株盆種提子, 回家時明明葉茂果壯, 老細仲話八至十月可收成添, 回來後我地淨係加左塘泥及每天叫花王淋水, 點知一星期後葉落果爛, 唔知點解救 ...
我棵提子原本係種盆嘅! 都幾好架掛咗好多提子添.
後來諗吓睇提子棚下邊飲茶頃計聽音樂係好浪漫嘅, 敢咪移種落地囉!
起初主枝手指尾禁幼架乍, 而家手臂禁粗洛! 多產到想像唔倒呀.....香甜不過有核架!
種嘢最忌落塘泥(特別指定除外), 尤其係提子添, 泥土應該係疏水保濕保温先至好嘅.
如果中意塘泥就加D粗沙細石溝鬆D泥囉!
提子好粗生嘅姐, 換缸換泥喇, 一定成功架!! |