朋友們注意囉!
青瓜筆直直係正常嘅! 即係好健康囉!
粗幼由頭到尾都一樣但瓜身有少少灣都算OK啦! 健康有少少問題囉, 唔關你事嘅!
頭幼尾粗(最多), 頭粗尾幼及兩頭粗中間幼都有, 呢D都係中咗招嘅現像, 即係比果蠅拮過嘞!
食唔食得睇吓肉酸程度囉! 因為有两種情况:
(一)比果蠅乸拮咗產咗卵體入邊, 嗰D蟲卵係未受精嘅, 唔會變成蟲蛆, 只係破壞咗瓜瓜健全生長唧!
(二)比果蠅乸拮咗產咗卵體入邊, 嗰D蟲卵係已受精嘅, 會變成蟲蛆架, 唔單止破壞咗瓜瓜健全生長, 而且切開個瓜分分鐘見到D蟲蛆湧湧下好核突架, 就算見唔到都係時候未到嘅啫, 都係米制嘞!!
咁有乜辦法預防果蠅入侵呢? 除咗要笠保護袋外重要其他黎配合至得架!
用誘捕果蠅器囉! 一定要用嗰D幾蚊支尊引公果蠅嘅賀爾蒙誘劑, 滴入樽內, 將D咸濕佬引曬入樽內.
等D果蠅乸拮咗都冇用, 何况D瓜瓜隨時笠好袋做咗防禦工事架啦!
如果用嗰D乜嘢南瓜汁等等利用氣味黎引果蠅家族嘅DIY捕殺果蠅器睇吓就幾過引嘅, 嗰D果蠅精過鬼, 有現成嘅使乜靠聞聞吓去做盲頭果蠅丫, 而且精嗰D雙雙對對後先去拮瓜瓜呀!
樣衰嗰D梗係吾妥架罅, 唔信睇吓! |