日誌
今季天台updated 一下
熱度 1 |
愈來愈種得多野了
不過收成麻麻, 因為我又遲過人播種了
人地開始有好多好多收成
我而家先來播種咋.....
先來y牌南瓜
第一隻囡囡授粉失敗,
第二隻囡囡今日剛剛同佢授粉
第三隻囡囡等待中
唔知今年成唔成功, 希望有收成啦
種左幾種青瓜,
不過只係得白青瓜發倒苗
通菜食左2轉啦
仍然係夏天最易種既菜
上年苦瓜種得好好
今年都要再種, 我要大豐收
今年種左翠妃同埋長白苦瓜
暫時有2隻長白苦瓜授倒粉
不過自己上一批囡花出左後, 而家一輪都全部花囝, 花囡唔見晒啦
絲瓜第一次種, 佢雖然唔係我既最愛, 不過夏天種瓜最好
所以乜都要試下
秋葵上年好好味, 今年一次種左4棵, 希望收成好d
上年種蜜瓜, 好好味
今年試種西瓜, 希望一樣都種倒
但生得好慢
粟米得三棵咋, 一棵食粟米, 另外兩棵係專食粟米仔既
提子換左盤之後生得好靚, 有好多新葉生出來
菜心比雀咬到爛鬼晒, 都未食過
暫時係咁多,
而家最期待係節瓜發芽
節瓜bb好可愛ka