日誌
3/11 勞動日
難得早起,11點去到田一路做到4點,
披披搭搭好醜樣既防蟲網眼怨左兩個月,終於剪番啱size整整齊齊,
種得太密生得唔好既白菜全部清哂佢,遂條摘遂條剪加洗菜又用左一個種,
鋤翻鬆白菜果面啲泥,移埋蕃茄苗、彩椒苗,影吓相咁就用左5個鐘。
經過上星期一日大雨,白菜唔係咪靚,有啲葉仲"梅左",一次過收哂佢孝敬媽媽
種左四個星期芥菜開始大,疏咁啲苗比埋媽媽食,用幾秒淖左一條仔試味,芥菜味好濃唔苦,但要咬好耐
Tiny Tim蕃茄仔無見一星期高左成倍,落種5個星期,都未到膝頭咁高已經有果,仲有好多花,依家三棵都開始大,咪好快有好多蕃茄仔 
Tiny Tim包裝到寫同Marigold一齊種好,上網check到Marigold根可以治腺蟲,又可以做綠肥,顏色又靚,所以種左好多,呢一棵快高長大唔理佢5個星期就開咁多花
白菜個位諗住種生菜,依家培緊苗,唔知大唔大得切移苗呢,今次我想得整齊啲