幾時先要開蓋比佢地抖抖氣呢？

你見佢谷先開下。開蓋時請留意會有陣好臭既氣走出的，臭既程度可想像到醉酒佬嘔既時候果種嘔吐物既味兒，是很臭的。所以要係好空礦既位置扭蓋既，係開蓋時唔想比個蓋爆出黎，請您們先扭鬆小小個蓋然後等佢放小小(真係放小小好了)，之後扭番實個蓋，佢會係咁谷氣泡，再開蓋時就無咁易爆出黎喇！如果唔得的話就重覆做多兩次先完全開蓋。(慢慢黎唔好急)＊最後扭番個蓋時都用清水淋一淋個膠樽既周邊，因為發酵個陣味道會引黎好多蒼蠅會圍住樽野架！

＊都仲有個方法您見上圖藍色長方形盆有兩樽花生麩水既，第1支我就瀨左野之後我就學精左了，到第2支開蓋既時候我羅左垃圾膠袋黎入住第2支花生麩水，再將個膠袋綁好，之後先至慢慢開樽蓋此時佢要噴上黎都係噴係個膠袋入面咋！咁就唔駛成身都係喇！＊

其實我諗應該有好多花友都瀨過野之後先學精左，希望可以幫到有須要既花友啦！

《重要事項，請大家留意》

23 April 凌晨12:00返到屋企，如常上到天台打開廚房門 (因22,23 April 好大風及落雨，所以我將D盆栽搬晒入去廚房) 聞到一陣好臭既味唔知係乜野黎，之後行左出去再入返去廚房都仲有陣臭味 (已經重覆左2次) 我就企左係度諗緊究竟係乜野會咁嗅呢？R頭，終於諗到有一樣野會係咁臭除左佢之外都冇咩可以臭得過屎架喇！咪就係花生麩水囉！我既視線即時向左邊望去，今次真係大鑊了"花生麩水液體爆炸" 是真的冇花冇假。

點解會做成今次意外及驚喜呢？

原先我諗住23 April 返到屋企就會扭開個樽蓋比佢地抖抖氣既，我20 April 已開過一次了，應該 22 April 就要做的但我忘記左添。就係咁樣足足清洗左兩個幾鐘頭先至攪掂！好彩只係爆左一支唔係三支一齊爆，如果係的話咁就點只兩個幾鐘清洗最起碼洗到第二朝早喇！

點解我要咁趕住清洗呢？

上面已經提過"發酵個陣味道會引黎好多蒼蠅會圍住樽野"，依家唔係一支樽咁簡單而係成個AREA已經瀨左野，可想而知到第二日會怎樣啦！所以我唔訓覺都要拿拿聲清理好個AREA，如果唔係第二日放工返到屋企我諗要CALL人黎救我同屋企人了。咁就可以上頭條有條友比D肥仔水焗暈左送左入去醫院喇！

＊請緊記須要隔日開一次先得，又或者日日開都可以，最緊要比度花生麩水抖到氣就得喇！後果我已經報導左了。小心小心~

各位您地好，原來液體爆炸事件係一場誤會黎架！我收錯左信息"花生麩同水用1:15開左佢用膠樽吽"先至真的，真係抱歉喇！我會再接再厲既喇！如有花友跟左我既指示做的話，請您們不用太擔心，有以下的改善。

只要第日開水時用1:21就得了，真正錯誤係個樽入面冇足夠空位及橾作唔合理喇！嗰兩樽唔好嘥，每樽搖勻倒1/3出黎變成三樽就掂啦！擺佢幾個月用1:21冲淡用一樣得架！

以下係花園仔老師給我們第二種方法去整花生麩水，請大家留意：

預備幾個冇壓摺過嘅2.5L可樂膠樽, 捨得使錢到五金舖買D厚膠樽就更企理啦!
用尺由樽頸下用油性筆平均畫分20等份.
將花生麩放入樽內至1格位(1:15)入水樽內至16格位.
唔好冚蓋住, 用網布冚住樽口以防蒼蠅飛入去生蛋.
擺放一日半日先至冚蓋.
放體陰凉地方.
最初两日擰開樽蓋放吓氣, 搞勻佢再冚翻蓋.
(人體上風位, 個樽口咁細棑出氣迅速被風吹走啦, 臭乜丫!)
然後隔耐D(約1-2星期)擰開樽蓋放吓氣, 搞勻佢再冚翻蓋囉!
D麩水梗係唔好聞格, 放耐D氣味咪少D囉!
浸佢两三個月咪用得啦!
溝水比例 (1:7)