其實一早都知哩兩日會落大雨嫁喇,所以尋晚已經將放響比較高既農作物搬左落地面,減低佢地比雨水打傷既機會,不過,睇黎我都係低估左哩一場雨既威力........

                 菜菜子比大雨大把大把咁摑落去,已經軟弱無力咁撻哂響d泥面度------->>>>

 

兜蘭就飲哂水,重到條腰都彎哂,差d離盆跌落地,好彩發玩得早,即刻幫佢扣喉--------->>>

 

向日葵都唔見得有幾好,太陽唔知去左邊,佢地就迷失哂方向,都唔知抬頭向邊好,索性就低頭唔見人------>>>

 

橫風橫雨,好似打風咁,真係嚇鬼死人,最擔心就當然係我d寶貝作物啦,本來期待已久(上次響大陸掃既貨)話今日會送到黎,點知打比個送貨司機竟然話冇我張單聽到真係眼都突埋,明明全部一齊買嫁嘛,個個都有就係我冇,冇咩可能嫁噃.........就打電話去大陸果間鋪了解吓......點知佢地話個員工搬漏左我d貨上車,所以今日我都仲未見到我既戰利品好慘呀,我等住d泥要幫向日葵同荷蘭豆移盆呀,佢仲話要睇吓香港個司機幾時得閒先可以送番過黎比我,真係激死人喇希望聽日可以收到我d貨啦,唔係向日葵同荷蘭豆可能頂唔住嫁喇