尋日我同4個靚女農友響元朗集合之後,就去左會草民兄,之後就向住我地個目的地------>有機士多啤梨園出發,離遠我地見到士多啤梨園-------->>>>

            

個個都忍唔住大叫,跟住就四散東西咯~~~點解呢?因為有d又掛住影相-------->>>>>

            

有d又掛住問食得未,有d又去左問負責人幾多錢一磅,整個士多啤梨園都充滿住我地興奮既情緒同呼叫聲,一個又話左邊果粒好大粒,---------->>>>>>

          

            一個又大叫右面果粒好鬼紅,哈哈哈.........而且仲有粟米----------->>>>>

                                               

  以為摘左好多,原來我都只係要比$27($45磅)--------->>>>>

             

  我地當然即刻就洗一粒試吓味啦,不過本人就覺得唔係好甜,有少少咁多失望啦~~~~

之後草民兄就帶我地去遊流浮山既天后廟------------>>>

沿途仲見到有個木瓜園呢-------->>>>.

            

今日天氣真係好到不得了,太陽伯伯一路都照顧住我地,搞到我地大汗疊細汗,而我,就溶到得番對腳喇~~~~哈哈

之後我地就去左市集食lunch,之後再shopping,蠔係即開嫁(不過唔可以即食呢)----------->>>

           

        d人開完就攞d蠔去曬,都好壯觀嫁---------->>>>

                                              

其實流浮山既景色都唔錯嫁------------>>>>>

            

完結左流浮山既行程之後,草民兄同小寶就先行離開,我地一行4個人,就再去十蚊店同老實人度掃貨,個個都有收獲呢~~~買完野我地既聚會就完結咯~~~

 今日真係玩得好開心呢,而且仲好攰添~~~~~諗住拎d戰利品番去益吓男朋友啦,點知原來唔係只係我地大汗疊細汗,連士多啤梨都出哂汗呢=.=所以我就一個人食哂咯,而我男朋友?就梗係一粒都冇佢份啦,haha...^.^