究竟信唔信細佬的話好呢..
上星期三放細佬一點自由, 讓佢自己回家再出來, 點知回來時就一身煙味, 當時佢有朋友在場, 沒當場話佢, 到佢朋友走後, 一問佢身上煙味時, 佢嚇左一嚇, 宣稱係朋友食煙而唔係佢食, 我有問過佢佢d朋友冇比煙佢食咩, 佢又答得好快話唔知點解今次冇喎, 見佢答得咁快, 又笑住咁講, 加上我又沒證據証明佢有冇, 唯有相信啦, 但我朋友就話覺得佢根本有食..
到今日, 細佬話補習到7時, 但我唔多信, 6點時係遠處望住, 比我見住佢6時就走人, 跟左佢一陣就打比佢, 佢可能知我知到佢走左, 所以都有聽電話, 咁我都比佢出去行下的, 只係話佢做咩唔講底聽者~ 我都唔想做到其他人咁嘛..
咁佢都好好, 半小時後就回來, 一回來我就問佢有冇食煙, 佢話有就唔敢同我講野喎, 加上佢身上除左止汗濟既味外, 又唔覺有其他味, 咁我都信佢冇啦~
但.. 現在一諗, 之前我第一次捉到佢口有煙味, 第二次疑似的是身上有煙味, 佢都唔係笨的, 如果有食到, 實會做好事後功夫先會回來的, 兩次都食緊香口膠, 今日又噴了止汗濟喎.. 咩煙味都沒晒啦..一諗到咁.. 我個心就即係沉左落黎..
我該相信佢講的話嗎!? 好苦惱... 我好想相信, 但又怕佢怕比我罵而講大話.. (除左煙外, 我其他都冇咩點罵過佢的了)
ps. 其實早前有人同我講佢3月頭都有偷走出去食煙的了.. 同佢講完, 佢就真係認左..
ps2. 頭先有一刻我想用哩個報料方法嚇佢, 睇下佢會唔會露出馬腳, 但一諗到如果佢真係冇, 咁我咁做的話又好已認定佢有食咁.. (個心都係唔放得下.. 決定點都要試下, 我唔想因為我既放鬆而令佢又食返..加上我想知個『真相』..)
ps3. 朋友話我唔好咁心軟好, 對佢仁慈等同對自己殘忍, 搞到自己激氣同擔心..
ps4. 我已決定如果佢真係有食的話, 我一定唔會罵佢, 重會比一百元佢, 叫佢食死佢, 以後咩都唔理, 因為我真的心淡了..