警局今日打來話細佬係學校行為良好, 改今星期六去多次警局就完事啦~ 終於都完了, 真係可以鬆口氣~

 

因昨天實在太激氣了, 連姑姐打來都聽得出我又比細佬激到震@@" 原本我答應過唔講比其他人知的, 但哩d事, 多個人分擔下點都係好d既~ 我同姑姐決定夾計, 嚇下細佬+令佢唔好再學壞, 話佢昨天係街到食煙既事比有關警察見到, 要我地星期六帶去上去交代, 重話姑姐好鬼嬲~

 

佢放學後我就同佢講左, 即刻就見反應了, 全程路都唔多出聲, 去到m記食野時好似d牛食草咁, 低頭係咁塞野入口, 重想喊咁.. 我問佢做咩事, 我又冇鬧佢.. 安慰佢都冇反應.. 到出左門佢就多野講返=.=..

 

回到去前, 我同佢講我一d野都沒同人講的, 叫佢用佢既辦法解釋啦~ 當佢比人問到做咩唔坦白同我地講食煙既事, 細佬竟然(笑住口)話昨天回來時坦白同我講左=.=..服左佢, 將個波掉比我..(咁我都沒踢穿佢既) 再問點解同我講而唔係同啊媽講, 原來因為係我唔罵得勁=.=..  因為今次大家都唔想驚動到其他人, 加上我昨天都話過佢, 所以今次好低調進行的~

 

ps.   m記買外賣回來的錢明明係我比, 佢同人講係夾錢, 重要係佢大份d =.=+

ps2. 訓話完後, 就到我同佢算脹時候啦^^" 不過我都係同佢玩者 (明明係我發現佢食煙~ 外賣錢都係我比的>"<~)

ps3. 今次一役, 細佬好驚我真係唔理佢, 應該能令我同佢既關係變好一點, 希望佢真係知我錫佢啦~

ps4. 一問之下, 佢昨天半小時內就食左5支煙!! 真係想殺左佢~"~ (重要係比錢買!!)

ps5. 同佢開玩笑話我買包煙比佢食, 佢話唔點火食晒比我睇, 到7仔時又唔入去喎.. 冇戲睇>"<~ 

ps6. 發現細佬對我同對姑姐講野既語氣係唔同的, 可能我唔鬧佢, 佢對住我會輕鬆(輕挑!?)好多咁, 成日同我開玩笑=.=..