昨天, 大家為了細佬既事又再鬧了一場(細佬去左補習), 一嘈就2個鐘.. 又係話星期六的誠信問題..

 

細佬回來就捉佢走, 要佢將由石硤尾到大圍既事由頭講到尾, 發現所謂誠信問題都只係冇講晒所有事出來, 而佢都承認8點幾時係講左個大話。之後我再問佢重有冇食煙, 佢都好老實咁同我講早排都重有食, 戒煙要時間.. 如果佢真係咁多大話既話, 佢其實可以講自己冇食好久都可以, 何必要講出來比我話佢呢.. 我同佢講, 佢所講既說話, 我全都相信, 我唔希望佢講大話來騙我, 佢再承諾多次以後都唔吸煙。

 

細佬因為留堂, 佢有位同學自己走左上黎等佢返黎, 難得有人自動送上門, 姑姐就唔放過機會問下細佬係學校既事(我唔係到的), 一問之下, 發現錯的不完全在細佬身上.. 只係比人放大了整件事, 受害同學都話沒想到會搞到咁大獲, 同學仔重話就算有錯, 都係大家一齊犯的, 覺得今次事件好唔值.. (講到流眼淚@@")

 

ps. 我都好老實同細佬講,我日日都因為佢而比人話.. 我都想佢明白我究竟係為咩..(講到佢鼻都紅晒, 最後熊抱住我=.=..)

ps2. 星期五晚又返大陸.. 細佬第一時間就問我返唔返..

ps3. 細佬留堂係因為欠交, 我又同佢講大話.. 佢承諾我唔會有下次, 希望係真啦@@"

ps4. 星期六既事上, 佢應該重有1個大話唔夠膽同我講, 因為唔聽電話對我來講係死罪來.. 看看今日可唔可以令佢招供@@"