估唔到, 細佬返返學2日又搞出事來, 之前佢答應過我地唔再找果班豬朋狗友的, 昨天班狗友打比佢, 佢地好乖咁cut佢地線, 點知到晚上出去食飯後就出事了(我沒去食的, 10點幾回來先知), 食食下飯走左出去, 大家都以為佢去了洗手間, 點知半個幾鐘到大家都走佢都重未返黎, 打比佢又話係門口傾電話, 但門口點睇都見唔到人, 原來去又走左去果班狗友既落腳地!!

佢真係令我地好失望.. 佢雖然口口聲聲話冇見到佢地, 冇同佢地聯絡, 但係姑姐誘導下, 佢都承認有聯絡過佢地, 佢亦都解釋唔到點解食食下要走去果d地方到坐, 果下我真係好心痛, 枉我重咁信任佢..重打算今日同佢去睇戲, 之前大家為左佢搞咁多野好似白廢咁.. 佢重係唔明白我地咁緊張既用意, 再咁落去會有幾大影響..

跟住果幾個鐘, 幾個大人係咁同佢講道理, 冇人走去罵佢, 亦都爭佢, 希望佢自己講出心底話。我地咁多人為佢好, 希望佢走回正途, 如果佢認為我地唔岩, 我地都話比佢自由, 同返佢班狗友玩, 我地大可不理。

咁佢自己都話唔想咁樣, 知道個個坐晒係到為左邊個, 承諾會聽話, 唔再生事講大話, 去到哩刻, 其實大家都喊晒出來了, 希望今次佢真係改過啦

 

ps. 原來重有d事我唔知的, 係聽到後, 我真係有一刻咩都唔再理..