日誌
- 分享 係suxing家中帶回來的夜來香開花了,香到暈//
- 半夜無聊聊走去淋花,行到門口聞到好香。 一開始唔知咩野香,淋水淋水,由前門淋到後門,羅住電筒四處淋,淋完返到前門重系好香,用電筒照住睇,原來夜來香開花了。 真系好鬼香,行近d,原來佢d花好細,開得唔系好多,第一次開花睇呀睇,聞呀聞,之後少少頭暈暈。 好在盆花放得唔近主屋,系放係大門口出面,到依+成個鍾啦,都重覺 ...
- 分享 係上水買左兩盆花
-
踩單車去上水買餸,順腿去花店,見到有30蚊玫瑰買。 之前去花墟,見到有細細盆$38玫瑰但無現金又懶得去櫃員機羅錢(重點系唔熟路,唔知邊到有櫃員機)。返到屋企好鬼想要/// 今日,比我係上水見到玫瑰,雖然無想要隻色,但系唔買唔服氣。買左盆淡粉紅色玫瑰30蚊+唔知咩色細盆茶花28蚊 重點唔敢話亞媽 ...
- 分享 學人把跳舞蘭上樹
- 種完豬仔有多的水苔,唔知做咩好,睇到花友的蘭花上樹圖,就分d跳舞蘭出來學人上樹 好鬼隨便,旦d水苔上樹加株跳舞蘭(向下),用尼龍繩轉幾圈打結,完成! 就要等1個月後睇佢成唔成功啦~~
- 分享 種玫瑰個盆碎碎平安
- 一早起身,亞媽話我知d狗把個種玫瑰的瓦盆打左落地(1米高呀),碎左//// 起身連洗手間都未去就再種個落盆,好在有多個大瓦盆。 玫瑰d根好傷,枝條斷左d,唔知生唔生---一定唔死,一定一定 由花墟羅到返粉嶺火車站再上的士,羅到斷手。錢唔係貴$68,問題係累死。 斷左的枝條順便去插下,唔知會唔會成功生根....e家咩都唔 ...
- 分享 紅雞蛋
- 今日生日,食紅雞蛋,亞媽炒麵,有蝦同墨魚... 近幾年最多餸的生日,細個亞媽會切隻雞(自己養的雞),大個D就話亞媽知唔中意食白切雞.... 到依家,生日只要有紅雞蛋就OK啦,不個....一定要紅蛋唔要白蛋/// 而新曆生日就唔過啦...屋企人中意行舊曆生日 聽日出旺角,希望有D心水花花比我買到返屋企---重點 ...
- 分享 天氣涼就想煮碗仔翅
- 我同我哥超中意食佢,又唔難做 不過就係煩,肉絲/冬菇絲/木耳絲/最方便就係粉絲,加上廚房一定有的蚊...又有貓係腿邊要咬我 切絲的時間好長....煮就快,15分鍾ok。我一煮就煮大大煲,不過兩日可以食完 唔知點解,食碗仔翅會有一種幸福的感覺 n年前的食譜,我懶得改了 材料 : 瘦肉 2兩(80g) /煲湯後的瘦 ...
- 分享 重陽節,屋企後山好多人
- 清明重陽唔出街,怕火燒山燒到屋企。今日後山無燒,就睇下星期六日燒唔燒..... 年年都要打999,非常好,打999一d心理壓力都無,對答如流 聽日無咁多人先上山拜我老豆同婆婆,唔好落下雨呀!
- 分享 準備好我的面皮,又要去問人要玫瑰支條了!
- 前年/上年/今年春天都問我屋企附近的婆婆剪玫瑰支條來插,插左3年都唔生///////想死 今年的春天要死時,我已看了很多玫瑰月季插支的的帖子+視頻 想佢生啊!你點解就發芽唔長根! 年年都去問人剪,我真係唔好意思呀!買又找唔到來買..... 面皮面皮面皮面皮要厚,為左我同我屋企人最愛的玫瑰,面皮都唔要了! 深呼吸, ...
- 分享 戒煙第9日了
- 多謝花友們的支持,我會堅持下去的 好在我係村尾往,無鋪仔,有買野就要出村口,來回30分鍾路程,懶人懶得行出去買//// 平時唔袋多過$50出街,無錢買煙...哈哈 係戒開頭幾日比較難忍,e家好d啦!不過也要忍忍忍,今天要要香口膠了,存貨食得差不多了 ...
- 分享 咬到牙軟的戒煙香口膠
- 今日係戒煙的第5日 之前點解會戒煙,係因為d煙食曬而無再買。因為無買煙所以無煙食所以想食時就咬香口膠... d戒煙香口膠係在政府診所到羅的 在此記錄,堅持下去吧!!!