Made in China 既GE仔無正確既生日日子,
係7 年前既9月中,
我就係某寵物店拎左佢返屋企
當時既小GE不足7星期大..
計計下..7月中應該就係小GE出世既日子..
咁重要既日子,點可以留係屋企架!
今早個天雖然陰,但無落雨
所以我地一家人就同佢近近地去PETMAX玩啦!
GE仔笑到4萬咁口同望鏡頭
除左笑到好似中六合彩之外.仲識微笑架波~
周圍望..
SWIMMING完之後就周圍玩下..GE仔始終最鐘意FREE RUN
去完PETMAX,因為附近有某牌子開倉.順手買左小小野..HEHE
因為今日生日.豬爸仲買左件蛋糕仔比佢,
平時一日只可以食半塊既餅餅.今日有2塊
開心死GE仔呀!
返到屋企,同GE仔沖完涼..就整花.好耐無影花啦...
THIN左既牛B...
近期最愛..
一開3既C12
玩左大半日..GE仔沖完涼返到屋企就咁LU
可能自己老了...同d養狗人仕答唔到咀~
今日係3條狗買蛋糕個陣,又有人問阿GE..係咩狗呀..幾大呀..幾錢呀..點解佢咁大隻既..
我多數會答,混種狗黎囉!(心唸.佢係咩狗,大唔大隻,關你差事即..)
我都唔彩佢架啦..點知條友答我..
我隻貴婦狗呀..係tea cup黎架..好貴架..佢又衰..平時咩都唔食.係食貴野呀..
有時候..真係好唔想理佢地..
唔通養狗就係為左養令狗,養名種狗呀?
你隻狗好貴又tea cup又細隻又好令.so what???可以代表d咩??出show呀? win左又點?留種呀?定配種呀?定係想同我講你好有錢?嘩~真係唔該曬喎..
返屋企個陣,豬爸問我..你係未真係好想養隻芝娃娃呀..
我答..係呀..我想養,不過我唔會買,想領養囉..我唔係無錢買,係買既話我一早買左啦..
(上次同朋友去睇狗,真係睇到心都UP..唉...)
其實我唔係咩偉人.唔係愛心天使..有咩大志想幫貓狗
我唔知道為左生一隻名種狗,有多狗受苦.
我心目中,養得佢地,就係要比佢地最好,比佢知道我錫曬佢地就夠架啦!
豬爸話,你睇ge仔,次次都笑到好似烚熟咁..一定開心幸福啦!
係啦..佢咁幸福.下星期阿仔body check既錢就靠你啦