上個星期, 大舊同我講,  "我今天收工後, 公司有個展覽會, 應該都會遲返, 唔駛特別整晚餐啦, 我在展覽會有野食的."

       咁, OK 啦, 我自己一個人整些簡簡單單的野食, 夜晚, 一個人灘在疏化上, 無聊地看電視,  話看電視倒不如話訓覺來得貼切, 已訓著九成了. 突然聞到一陣熱香肉味，醒了，一醒，嚇了一跳， 一舊唔知咩野在我鼻子前搖來搖去，正嚇了一大跳， 原來大舊唔知幾時返左黎，重拿著一隻熱辣辣的德國鹹豬手在我鼻子前搖來搖去， 整醒我， 被他的突然在我眼睛前出現， 嚇死我.

     擦擦眼睛, 正奇怪, 又話展覽會, 點解又會買兩隻我最鐘意食的鹹豬手返黎既 ! ?  他話, "展覽場館有食物, 飲品供應, 負責食物的主管與他好相熟的, 大家傾開偈, 大舊話,  "我太太好好鐘意食鹹豬手架, 如她在場, 一定圍著食物部, 唔肯走, 食個痛快, " 個主管即刻話,  "無問題, 如完場, 仍有淨, 你便拿些回家給她試試吧 ! "

       就是這樣, 大舊去公司展覽會, 變了打包兩個熱辣辣的鹹豬手回家比我食, 他肯主動打包食物回家,  真是萬中無一, 有時出街食飯,  淨左D野, 我話打包回家啦, 他都話唔好啦, 咁肉酸, 但今次, 他竟然主動打包回家比我食, 真是有些古不到呢 ! 不過, 算佢啦, 咁有我心, 知我至愛的食物之一.　（女人真是易 (乙水) , 易滿足既 ! )

夜嘛嘛都好啦，開支啤酒，食隻豬手先！食左半隻才記得影下相先！