05-12-2008 星期五, 做完私人野, 超正常順利, 心情勁靚, 見時間尚早, 渣車落埋市中心, 行個圈, 無咩特別野想買, 純粹行下, 睇下咁啦, 見有花店, 走入去八掛下先, 一睇就比呢種超大頭, 綠, 白玫瑰所吸引, 腦海中記起阿飛也有一盆綠, 白色的玫瑰花, 睇睇下, 2 歐羅一支, 貴就貴左少少, 不過, 唔緊要啦, 心情好, 就買一支咁多啦 !
我選了一支, 已出了三個新芽的, 林住, 花謝了, 仍可拿來試插支呢 !
插在花瓶, 朵花真是好大, 好大朵, 好靚呀 !
點知第二朝一早, 朵花就 dup 晒頭, 幾乎 180 度向下, 花瓣軟垂晒, 死左九成.
林極唔明, 咁靚, 咁貴既花, 無理由仍未開盡, 一晚就謝成咁既 ! ? 第二日, 星期六, 也會去市中心, 好啦, 順便再回去花店, 問下點解會咁既, 其實, (心也想她們會補回一支比我.)
又是昨天買花時的職員, 聽了後, .........無理由會咁既啵, 我 : 會唔會是我處理錯誤所至呢 ! ? 職員 : 唔會既, 花, 來來去去都是插在水, 買回家不需特別處理既. ......... 咁奇怪, 之後, 她從後舖拿出了以下最左的一支綠, 白玫瑰出來, 問我買的是否這樣的一支,
我看了看, 心想, 好靚的玫瑰啊, 不過, 我說實話, 我買的, 不似是這種, 我買的那一支, 好大, 好大個頭, 好覆瓣, 純白帶微綠, 沒有象這支咁綠, 之後, 她又入後舖, 取出另外右邊兩支純白的, 問我, 是否象這兩支般 ! ? 我仍然話, 不是, 之後, 她話, 這三支玫瑰送晒比我作補償, 我當時保了一保, 我心林, 我回來只是想問下點解, 如她補送一支當然意外開心, 不過, 無林過是三支, 除了猛講多謝外, 也有點不好意思. 之後與職員閑談了一會, 就走了, 她也給了些插玫瑰的小貼士, 都幾有用架.
回家插起這三支玫瑰, 真是靚到暈 !
但講到尾, 點解我會話我怪錯人呢 ! ? 問題就在於閒談時, 她話, 有時玫瑰決水後, 好似死左九成, 但也可把她條更剪得較短, 成支放在溫水中浸幾個小時, 可能也可救得返, 回家後, 我籍本試下把死左九成的那支, 照辦煮豌, 又過了一天, 又真是成朵花返晒黎, 好硬, 好挺, 現在變左有四支好靚, 好靚的玫瑰, 送的純白色的那兩支開始有小小謝啦, 不過, 自己買的那支就仍然好挺, 看樣子, 與送綠色的那支, 一同也有排開 ! 呢暈 ! 真是怪錯人了, 不過, 她們服務咁好, 又有禮貌, 又詳細閑談講解, 如下次有咩喜慶要買花, 我都一定會幫親佢地 !