日誌
衰人偷了我架單車 !
||
陪我多年, 一同渡過無數風風雨雨的日子, 他是我人生經歷的一部分, 今天竟然比D衰人偷了, 架單車當然是貴, 但我對他的感情價值大大遠於金錢 ! 唉 ! 無言以對, 唔知講咩好 ! 真是好想大喊架 ! 今天上演了捉賊記, 跑了9 條街, 又跑, 又追, 又打, 警察又上門, 豆豆轉轉, 最後我架單車都是得個吉 ! 好倦啦, 無晒心機 ! 鳴......鳴......... 24-06-2008
比張遺照大家睇睇, 他是朋友送的禮物, 以前做賺職, 幾乎每天與他來回 9 KM, 無論刮大風, 落大雨, 飄著雪, 都是與他一同艱辛上路, 生活在香港, 好難想像怎麼樣在零下負 – 15 度, 條路積滿舊雪, 新雪, 晨早 06:30 (在冬天仍然是黑漆漆如午夜) 出門. 迎面吹襲的飄雪, 沾在眼鏡片上, 從鼻子呼吸出來的熱氣, 一下子便仍結在眼鏡片上成冰粒, 視野濛瀧, 手腳指凍到僵硬麻痺而發痛, 路途雖然艱辛而孤獨, 但有他陪伴著我, 在路途上, 腦海裡常常唱著 (星仔走天涯) ( N N N N 年前的一套卡通片, 有誰記得歌詞 ? ) 來勉勵自己.
小意外也發生了幾次, 人是皮外傷, 單車維修了, 也是OK 的, 生活就是這樣, 可以說是艱辛, 困難, 但換個角度來看, 也是溫馨而浪漫的, 試想想, 漫天雪地, 飄雪紛紛, 當雪花飄到唇邊, 舔一下嘴角兒, 便有如檸檬清新的雪糕, 隨口可得, 再抬頭看看凡星滿佈的星空, 獨個兒踏著單車, 享受片刻的寧靜, 又何妨不是浪漫呢 !
他陪伴著我的成長, 記錄了我的人生歷程, 他與我一同磨練出了堅強, 自信, 他代表了我的不同回憶, 自從他被人偷走後, 我發覺我愛他原來遠超於我想像中 !
29-06-2008
發表評論 評論 (20 個評論)
- 回復 BanbieChan
- 唔好咁傷心啦....
- 回復 ChrisTsui
- 真係好不幸~
我好明你既感受,我以前讀書時都有一架單車,日日陪我返學放學去街...平日都係用單車鍊縛o係屋前,有一日忽然比人偷o左,我都好傷心...架單車係我做兼職賺錢買既~
之後買o左另一架,但仲係好掛住比人偷o個架~
- 回復 Donder
- 磨菇: 真係好慘，個衰人一定有報應嫁!!! 惟有期望新一部單車與舊車一樣同你經歷生命中不同階段及過程。我都唔祈望佢有報應, 我只希望找回我架單車, 佢傻架, 警察後來找到他,他已又偷了另一部單車, 他死也不講出我部單車掉了在那裡 ! 唉 ! 可能陳屍荒野, 唉, 一林起部單車的下埸個心又痛啦 ! 你整左提子甜酒未呢 ! ?
- 回復 Donder
- ChrisTsui: 真係好不幸~ 我好明你既感受,我以前讀書時都有一架單車,日日陪我返學放學去街...平日都係用單車鍊縛o係屋前,有一日忽然比人偷o左,我都好傷心...架單車係我做兼係呀, 新不如舊, 失去的東西永遠是最好的 ! 我放果到是私人地方, 又有 路電視影住, 點知比個傻既偷了 !
- 回復 Donder
- mandm: 我知道都覺得好唔開心，何況係你! 你放心，偷你架單車嘅人一定有報應嘅!佢傻既, 已是好慘, 好大的報應了,我只祈求有一天可找回我架單車, 近幾天我也好似傻既咁, 渣車週圍去, 橫街窄巷, 山林野地, 希望找回他 !
- 回復 Donder
- 小寶: 好似放左好多心機落去俾d植物, 打風落雨一個唔該就無左咯, 都好明白你的心情.係呀, 無論對植物, 動物, 人物, 死物.......一放左感情落去就慘啦, 好似 D 貓貓狗狗咁, 遲早一日都會.......又是好難過架 !
- 回復 ChrisTsui
- o係網上搵到"星仔走天涯"既歌詞啦~
落雨不怕 落雪也不怕
就算寒冷大風雪落下
能夠見到她
可以日日見到佢面
如何大風雪也不怕
我要我要找我爸爸
去到那裡也要找我爸爸
我既好爸爸未找到
若你見到佢就勸佢回家
- 回復 Donder
- ChrisTsui: 希望你快d淡忘呢件事啦~ 雖然好難,但至少時間耐o左,諗番起冇咁痛.(你真有心, 咁 NNNN 年前既野, 都比你找到 ! ) 昨天, 送這部單車比我的老友來探我, 原來當年她買時, 也要成 1,000 馬克, 是用自己錢買, 也是她第一部單車, 後來, 她買了另一部更好的, 所以割愛, 送了比我, 把單車的作用弦長下去, 而不是放在車房擺 ! 原來架單車有註冊編號, 就如車牌的登記般, 快快找出編號, 交給警方, 希望有幫助 !
- 回復 chudaicheung
- 希望你搵得番個單車, 兼且早日拉到個賊