日誌
愛心有機雜菜沙律
|
夏天真是好忙, 好忙, 工作之餘, 日日在我的花花草草, 瓜瓜菜菜埋頭苦幹, 收工珍未天黑, 拿拿林, 又要趕著去淋水, 雖然忙, 但看到自己親手種的瓜菜, 由種子變到有收成時, 那種不言而喻的喜悅, 及自豪感, 非一般未種過野的人所理解的.
今天 17-07-2008 的收成也很豐富啊, 有深紅色及綠色的西生菜, 樹上熟的蕃茄, 短小肥矮的青瓜, 及幾片清香莞茜.
完全百份百自家愛心親手種, 有機蔬菜, 有相為證架 !
把全部材料洗淨切細, 我再加了半隻紅燈籠椒, 半隻黃燈籠椒,切條, 莞茜切碎, 除了西生菜, 把全部材料放入大的容器內, 加入黑椒粉少許, 鹽, 醋, 橄欖油, (如喜歡也可加入各式香草) 搞混合一起.
臨食前，才混入已切細的西生菜，再搞混一起，再試一次味，自行加多或減少。完成。如兼淨沙律好快肚餓，可加配一塊煎豬扒或雞扒，食落同樣有質感！
（因如太早落西生菜，醋及橄欖油會把生菜整軟及菜邊變黑，買相不好看，就倒胃口了！）
發表評論 評論 (35 個評論)
- 回復 Donder
- raysit: 自己種菜自己吃, 一定回味無窮啦.係呀, 真是特別好味 D, 食到蝶底的小小, 也要食得乾乾淨淨, 因有血有淚, 一擔心機種架 ! 我突然林起細個時, 亞媽要我們扒飯, 食到一粒也不可淨留在碗內, 她常說, 你們未種過米, 不知種米辛苦 ! 現在自己試種小小住家菜, 這種感覺百份百體會到 !
- 回復 Donder
- nuage: 依家香港成日落大暴雨﹗邊有咁好收成呀﹗我呢到都係呀, 近排成日落雨, D野草生得好快, 唉, 有排拔啦 ! 你睇, 我都是用防水布立住我的西生菜架咋, 見好天而我又在家, 才打開晒下小小太陽炸 !有時唔記得 COME 埋塊布, D雨彈到D生菜好多泥, 她的菜邊又好似雪耳咁, 起晒群邊, 好難洗架 ! :-(
- 回復 Donder
- 德國, 夏季的雷雨, 真是好嚇人架, 陽光普照, 突然烏雲密佈, 未感覺到陣風, 但已看到陣風吹緊埋理, 山巒咆哮, 山上的樹林呼呼狂叫, 一兩分鐘後, 如趕不及收拾花園戶外的東西, 陣風吹到埋理, 咩野都打爤晒, 然後行雷閃電落大雨, 有時無人在家, 唯有眼巴巴, 晚上收拾爤灘子, 爤花盆, 到現在咁耐, 每次看到咁既情形, 我都心好寒, 好似好驚, 但又唔知驚咩 !
- 回復 Donder
- nuage: 你果度d雨無我地咁大﹗我都住過歐洲約1年幾o架﹗係呢, 八掛問下, 可唔答架 ! 住左年幾, 點解唔住 ! ? 環境各樣點都好過香港, (除了生活指數高, 物價貴外)
- 回復 Donder
- nuage: 差少少就2年﹗因為無居留權囉﹗住過荷蘭、比利時、英國。我最鍾意比利時。生活指數可接受﹗但英國就好高生活指數﹗你都住過好多地方啊, 成2年, 才再回港, 我林起初實有不習慣, 如找到工作, 便可辦站時居留 ?
- 回復 Donder
- nuage: 我都去過德國一d小鎮玩﹗不過唔記得名﹗德國的印象比你好唔好呢 ? 好多人不喜歡德國或德國人, 住小鎮仔幾好架, 生活較簡單, 無咩夜生活, 隣居關係也較大成市為密, 人與人的關係也較為親切. 幾好架 ! :-)
- 回復 Donder
- nuage: 都習慣o架﹗因為未去歐洲之前係非洲(南非附近嘅島住咗2年幾﹗先去歐洲)﹗我有年唔係香港﹗ 揾工唔係咁易o架﹗ 我d英文唔係咁叻﹗簡單對話只識少少咋﹗啊 ! 你四海為家, 最後也是回到老家定下來 ! ? 南非附近嘅島 ! 好享住啊, 睇書講, 風景好靚, 好迷人啊 !
我好多年不在 HK 了, 如我回流, 真是不再適應 HK 的生活, 及找工作, 也不知可做咩好了 !
唔好咁謙, 我也不識英文的, 成日要查字典架 !