日誌
大嶼山美味“醉窩雞”
熱度 1
星期六，與“肥婆”到塘褔宿營，去到的時候已是黃昏六時，放下背包就乘巴士到大澳吃飯。到了大澳，本想去以前去過的酒家吃飯，沿路一直行，突然發現了一家未去過的酒家，門面裝修並不豪華，但很有“地道”的風味，便試一試。很久以前在大澳吃過最愛的 “醉窩雞”，但近兩三年已沒發現有售，很懷念，剛好這家酒家有售，二話不說就點了。“醉窩雞”來了，酒家的老闆很好客，親自拿來gas爐、藥材湯底及花彫雞，我很喜愛藥材的味道，一窩靚湯底已令我流晒口水，老闆更介紹了“醉窩雞”的正確食法，先開火，把北旗、黨蔘、紀子、圓肉、紅棗和少許當歸的湯底煲滾，再放花彫雞，再煲滾後熄火，焗5-7分鐘，打開蓋，再開最細火令湯不致於 “灘凍”，這樣，雞便會嫩口。全個過程，老闆都招呼周到，都示範給我們看，令我們都覺得唔係幾好意思。不過，呢窩真係好正好正，下次一定要再吃! 此外，差不多每枱都有點 “澳門街豬骨煲”，單看樣子都很討好，材料十足，但因為個煲都好大，要最少四個人先食得晒，老闆話下星期出埋邊爐仲正，可以以豬骨煲或醉窩雞做湯底，包你食到唔停得口。
美味“醉窩雞”
人家的豬骨煲
外觀
發表評論 評論 (11 個評論)
- 回復 Donder
- 藍色衫果個係咪就係肥婆呢 ! ?
睇對手及個身, 一D都唔肥呀, 做咩叫到佢好似好肥咁啵 ! ! !
好好味呀, 這個也是我至愛的火鍋湯底之一, 打邊爐, 焯醉雞或醉蝦, 唉, 流到成地口水啦 !
- 回復 蘑菇
- Donder: 藍色衫果個係咪就係肥婆呢 ! ?你睇野真係好仔細喎，10個叻! 睇對手及個身, 一D都唔肥呀, 做咩叫到佢好似好肥咁啵 ! ! !
好好味呀, 這個也是我至愛的火鍋湯底之一, 打邊爐, 焯醉雞
其實 “肥婆”老實講，真係唔係好肥，又唔係女人，個名有段古：他現時比起我認識佢嘅時候肥左成10磅，因為個子不高，但 “密度”好高，是典型的”矮莊橫向結實型”，他比起他的好朋友，雖然同一高度，但重20磅，That’s why “肥” 。咁 “婆” 點解呢? 都係我唔好，因為我本身是男人婆一名，他和我一起便順理成章變成女人了，所以好朋友仔都叫他做 “肥婆”law~個名唔係我改架!!!不過好鍾意，因為名中有我
