熱度 10
開壺前先要清洗乾凈,尤其壺內的窯灰,一定要洗乾淨.
1)普通做法--是先用一般茶叶不斷正常沖泡(10泡左右),
但只沖吾飲,重複5,6次後可正常使用.
2)蒸壺法--將個空壺連打開咗既蓋放落煲中用清水蒸佢2小時,
然後熄火開煲蓋等個空壺連打開咗既蓋自然冷卻(約要等7,8小時),
跟住再加清水落個煲重新再蒸個空壺連打開咗既蓋2小時,
之後又等佢自然冷卻就可以直接冲茶.
呢個冷縮熱脹做法有助泥料氣孔打開,養壺冲茶可收事半功倍之效.
注意壺蓋是打開一齊蒸的,千萬不要蓋上壺身,
另外朱泥壺吾適合用蒸壺法.
3)煲壺法--將個空壺連打開咗既蓋放落煲中用清水煲佢1小時,
然後熄火開煲蓋等個空壺連打開咗既蓋自然冷卻,
冷卻後若壺內無刺鼻異味可以直接冲茶,
相反若壺內仍有刺鼻異味,可加茶葉入清水再煲佢1小時吸味,
可重複此法至壺內無刺鼻異味,之後可以直接冲茶.
注意壺蓋是打開一齊煲的,千萬不要蓋上壺身
另外朱泥壺吾適合用煲壺法.
建議用煲壺法.
Powered by Discuz! X3.4 © 2001-2013 Comsenz Inc.