今日我好 好 好 ... 好嬲  當然是比個百厭馬騮女 katrina 激親啦 .

 

1. 今早起身就又話姐姐攞件底衫唔夠靚 ( 但件件底衫是一樣 , 都唔知邊件為之 靚 ) 

2.  除衫時又話好凍 , 想凍死我咩 ( 換衫梗凍少少啦 , 但已用成張被包住她 )

 

                               1+2 已擾攘 25分鐘

 

3. 叫她刷牙 , 又話想再飲多D奶先  ( 但起床前已飲 200 ) ..... 又擾攘 5分鐘

                                1+2+3+4 = 38 分鐘

 

我每早已預 45分鐘起床出門口 , 但今日的擾攘 , 令到好多嘢都做唔到 ,仲要聽住個百厭女的 "煩音" .... 好勞氣 .

 

5. 放學回到家 , 原本 Book好 下午6點到屋企樓下琴行練琴 , 但5點55分 , 工人姐姐打電話來話katrina 發脾氣話唔去練琴 , 咁我跟katrina 在電話通話 , 她一時話要做功課 ( 但學校是沒有功課 ) , 一時又話肚餓 ( 但她已食下午茶 ) .

 

6. 掛線後我已打去琴行取消練琴 , 我再致電回家 , katrina接電話 , 我跟katrina 說叫姐姐聽電話 .

 

     katrina說 : 咩事呀 , 你有咩事就同我講啦 .

     F : 但我仍堅持要姐姐聽電話 .

 

     katrina 說 : 都話你同我講就得囉 , 我唔去練琴係我嗎 , 你做咩事找姐姐呀

 

      F : 我再說 : 都話叫姐姐聽電話呀

 

     katrina說 : 做乜事搵姐姐呀 , 我唔練琴咪搵我囉

 

   我真係比她激到爆 , 但當時我在 " IKEA " , 真是唔想在電話內鬧她 , 打算回到家再與katrina "開戰" .

 

7. 我在銅鑼灣坐巴士 , 在紅隧入面收到電話 , 是姐姐好驚咁打來 , 話katrina 將粒糖塞了入 "鼻" , 現在攞唔到出來 ,咁點算 ...... 我都有點驚 , 我就問姐姐katrina 呼吸到嗎 ?  姐姐話有 , 而且我又聽到katrina 喊聲及一路喊 , 一路鬧 , 咁我就叫姐姐立即帶她到醫務所 , 我一落車就會跑去 ............  ( 唔多唔少我都有點怕及比katrina 嚇親 )

 

8. 準備落車時 , 姐姐打來話粒糖已出來 , 叫我唔駛去醫務所 ...... 我叫katrina 聽電話 :

 

   F :  我問她點解未問我就自己攞糖食       

 

   Katrina說　：　我冇食呀 , 就係冇食去咗鼻鼻度囉 .

 

  F: 我就好嬲咁鬧她你仲駁咀 , 係未想我嬲呀

 

 katrain 就一路喊 ...我就掛線 .

 

 

9 . 我一路行回家的路程上 , 諗緊一陣點 " 炳" 她好呢 , 但我一入屋 , 她自己就瞓在梳化上 , 蓋好被 , 雙眼閉上 , 當我入房時我突然轉身望她 , 她立即將雙眼合實 哦 ... 原來扮死狗 .

 

10. 扮死狗冇問題喎 , 當我攞包零食出來時 , 她成個人彈起身 , 又話肚餓喎 , 我話你唔准食 , 一陣就食晚飯囉 . 但她仲大發脾氣話一定要食 , 又話好餓 , 又話姐姐冇嘢食給她 , 總之大喊大叫 , 喊到拆天啦  ...............   

 

由 1-10的事件 , 得出來只會得一個後果 ............ 相信大家都會知道 .