2009年8月3日 ( 星期一) ...... 1號風球

昨日和阿姨上了深圳 , 故今日才約番老爸出來食飯 , 知道他最愛是食蟹 , 近期D蟹又平又靚 , 當然買番D比他食啦  , 今晚都約埋阿姨及外甥仔來一齊食飯 , 不過我就辛苦D囉 , 工人Vivi 唔識買海鮮 , 她只負責買潺菜 & 煲湯 ,  我一放工6點即坐車回紅磡買餸 ,  買完回到屋企都近7點半 。

這條是游水 "黃油立 " , 都好味喎 ,  蒸出來有少少 "沙皮"呀　。

嘩 .....  " 竹節蝦 " 又平又靚呀  , 隻隻都生生猛猛  , 唔襯平來食 , 唔通好貴才食咩 。 

薑蔥炒肉蟹  , 老爸年紀大 , 唔好食膏蟹了 , 膏蟹膽固醇比較高囉 。

今晚忘記同潺菜和栗米魚肚羹影相 , 我老爸今晚講他好喜愛食潺菜 , 但他怕家人唔食所以唔敢整 , 唉 .... 你都年紀一把 , 鐘意食的咪買咪整囉 , 又不是很貴且買不起的東西 , 只是幾蚊一斤菜而已, 何必想太多呢  , 愛吃就買 , 唔整唔買點知咁多喎 ,  這行為不是自私 , 而係你為自己想食的嘢爭取 , 況且買餸煮飯是你負責  , 好味與否 ,  口味每人不同  , 我屋企家傭vivi , 她自己有想食既嘢都是自己買的 , 人有他們的本能的 ,不應該想得太多囉 。