2009年7月15日 (Wed )
昨晚為了我的愛女Katrina 買下這麼多的水果 , 其中車厘子 ( 櫻桃 Cherry ) 好平呀 .... $35 / 2磅 , 買了2磅回家後 , 大大粒又靚的就用來食 , 個樣差少少又 "林" 身的就用來做果醬。
哈 哈 ......點解會想起做果醬 , 是因為睇了 Blog 友 " PUCCA " 的Blog 囉 , 見到好似唔係好難做 , 咁我又學人做囉 !
櫻桃去核後 , 大約400g , 我加了 100g 糖 及 半個檸檬汁去煮 , 煮我時發現櫻桃都幾多汁 , 要煮到杰身都要一段時間 , 下次再整都要用糖 + 檸汁醃番 1晚 或 用青萍 增加果膠效果 , 容易煮和會快杰身囉 。
整櫻桃果醬除了想用來整蛋糕或塗麵包外 , 我用來配 Yogurt 食都好好味 ....... 一定下次要再整多次櫻桃果醬先得 。
Powered by Discuz! X3.5 © 2001-2013 Discuz Team.