2009年6月21日 ( Sun )

昨日約了老友Michelle 食Lunch + Tea  , 她不只是的老友 , 而且更是我 " 損友 " , 她竟然在父親節D 咁既日子 , 要我上深圳喎 , 我作為義氣仔女, 當然一定奉陪啦 , 於是我今日帶埋Katrina 一齊去 , 還有老友 Lisa都有一齊 呀。

今日丹桂軒真係好少人 , 攞籌等檯都是 10幾張咋 , 但我就用我的方法 , 不用5分鐘便有檯囉 。 一坐低 , 乜都唔好講 , 叫了蔗汁飲先 , 清甜解喝 , 值得一讚是他們沒有加糖 或糖精的 ,點解會知 ?  因為飲完個口腔沒有發出一陣 "酸酸地" 架 !

今日叫了唔多點心 , 先叫了一碟皇帝菜 。

有Katrina 愛吃之一 "飽汁雞腳" +  Michelle 最愛 " 流沙奶黃包 "

叫了 一籠 菜肉餃子 及 我都幾喜愛的 " 豬潤腸粉 "  。

其實仲有一個必食的 "川芎魚頭煲" 架 , 但必食得來 , 每次都必定忘記影相囉 。

今日我們去了一間從未去過的一間按摩中心做全身及腳底按摩 , 店名唔太記得 , 只記得有 "嘉洋" 這兩個字囉 ( 有4層的 )  , 在福田那邊的 , 至於按得好唔好 , 又只可說唔太差 , 但也不是好 , 所以唔會下次再去光顧 , 因為沒有特點及特別之處 。

去到福田區 , 晚餐又唔駛諗要去有半年都未去過的一品紅食川菜啦 , 嘩 ..... 沒有去幾個月 ,  去到條皇岡村食街 , 企理咗好多 , 地下是舖了街磚 , 連 D 食肆都裝修咗喎 , 見到 "一品紅" 的門口及地下的店面 , 真係眼前一亮呀 ,   以前唔會 Touch 的 Dirty + 核核突突的餐牌 , 現在又大本 、又乾淨 、 又靚相喎 。

每次來必食的 " 口水雞 "  + "水煮魚 " ,  條魚是3斤半架  。