呢個就係我的icon啦,佢又係我深思熟慮精心挑選來種嚟既。上年花展有檔好似叫的”星耀花園”,夾雜在普通到不得了的時花入面,盆盆都未開花,sample 果棵D花又淡又細, 冇乜人hou,但我就即刻雙眼發光,就買左佢番嚟,只係廿蚊。雖然花展仲有好多其他蘭花,靚過佢香過佢特別過佢多多聲大把,我都冇理,因為我知種唔到。今年我都見佢有賣,不過好似連sample都冇, 又係冇乜人hou。
原本係用膠盆仔同泥漿種,我於是上板。後來發現D根唔鍾意見光,又加塊黑膠盆,保水好多同D根茂盛好多。佢雖然一年先開一次,花香酸酸地又怪怪地,但我都好鍾意佢好有野生feel
。香港周圍都見到佢,樹上有地上有石上亦有,真係頑強。