左邊眼下係俾史立沙打成咁.
手腳受傷, 係俾D流浪狗打成咁
前日早上我已經見到呢隻狗喺我屋企走來走去, 當時我冇理佢, 因為我一向都冇養狗, 因為我唔識得養, 亦都冇打算養.[url=http://msn.o-pass.com/show_monkey.php?page=2][img]http://shiehcho22.myweb.hinet.net/msn/cutemonkey/monkey%20(115).gif[/img][/url]
當時隻狗好想入嚟我屋企, 當然我冇俾佢咁做啦無幾耐, 有兩隻史立沙走去隻狗度咬佢. 真係睇佢大大隻, 原來係豆腐.
但我覺得隻狗好似好肚餓, 所以我俾咗原本打算俾我個仔食既腸仔包隻狗食,
之後, 下午又見到佢, 夜晚返屋企又見到佢, 唉! 見到佢一副好可憐的樣, 之後就暫時收留住佢先喇,
諗住同佢睇完醫生, 健康晒再POST上網睇下有冇人要佢.
尋日早上約咗架VAN仔, 同佢睇醫生, 叫佢出去睇醫生, 隻狗又唔肯走, 隻狗咁大隻, 唯有搵隔離幫手抱佢走, 此時我覺得我仲慘過佢, 因為當時個司機不斷打電話俾我, 老事問我得未, 終於睇完醫生喇, 不過醫生咩野都冇講, 就睇咗我八舊水, 個醫生真係好流, 唉! 下個星期又要再睇醫生.....又唔知幾錢喇
睇完醫生返嚟, 我屋企又有驚天大發現, 就係有狗虱, 同埋牛B, 搞到我都不知所措, 晚上九點鐘開始同隻狗用奶水沖涼 (當然係搵樓上個幫手啦), 沖到夜晚十一點半, 又搞到我成十二點先瞓, D隔離鄰捨問我同佢改咗名未, 我真係唔想答佢哋, 因為我都唔知佢咩名, 點改呀. 唔通叫佢做豆腐咩
已經兩日喇, 一舊屎都唔肯呵, 真係驚佢便秘帶佢出街, 好似係佢指住我嚟行, 我完全唔覺得我拖緊佢行路, 我叫佢SIT, 佢就採我都傻! 叫佢走, 佢又唔走, 叫佢唔好走, 佢又係咁走, 唔知佢既特性, 又唔知點同佢玩, 又驚佢咬我, 總之.....我突然間覺得自己好忙,
我原先買咗D豆苗同荷蘭豆諗住落種, 點知呢兩日要大清潔, 又要上網搵膠地板俾佢瞓覺.
今日我有支竹突然俾風吹咗落嚟 (都幾遠), 嘩, 佢驚到走到花槽後面, 真係叫佢看門口就死伙喇