新手種粟米

正所謂

常常運動身體好 冇錢健身選農務
新手試種零經驗 獲贈種子謝Carol

話說疫情反覆 世情動盪 人情冷暖
除咗種花種草 療愈心靈
另一佳品當選務農 勞動筋骨 保持靈活
一個好彩 天時地利人和 可獲瓜菓蔬菜 幸也

Day One --- 'START !!!'


開始發芽 比我想像中要快
不過每日揭開睇吓有邊粒會發芽 實在過癮
換做大規模農業 那有心情


當中又有特別標青嘅 就立即進身第二階段喇
其餘嘅就繼續攤响棉堆入面


最後有兩個落選者 告老還鄉
成功出線嘅 八位健兒 就响培植土渡蜜月
我家光照不利培苗 是故晚上輔以LED彌補不足


十隻手指有長短 學生質素有高低
都順其自然啦 不要過問 每日略添熟水 僅此


好喇 蜜月期一過 喺時候出去見吓風浪
真心驚 因為我零經驗 加上啲苗睇落又「潺仔強」咁款
到底喺咪時候種落地呢 心裏心裏有個謎
但反正 都冇人答到我 去啦唯有
最攪笑喺 放哂落田之後幾日 就紅雨黃雨又打風
心諗 乜咁呀 唔通連個天都唔鍾意我...


果然以上呢啲諗法 喺初哥先會有
一般程度嘅風雨 對植物嚟講喺好平常
奉勸唔好乜都驚餐飽 無益身心
就算全軍覆沒 咪重新出發囉


轉眼就快高長大 中間追過一次肥
聽講粟米貪肥 可能追兩次肥會較好
不過窮鄉僻壤都可種粟米  咁...


其實粟米種得近 應該靠風力或蜜蜂授粉
但為保萬無一失 我決定親身落場指導(即喺人工授粉)
反正得八棵 都唔花幾多時間啦


雄穗有咁多粉 基本上 想唔中都幾難
反而要注意喺授粉之後
其他雌花要盡快切走 免得同大婆爭寵(營養)
我業餘所限 未能每日落田 無奈錯過良機 悔也


所以出到嚟嘅粟米 比市面所見纖弱


聽講白龍王屬超甜粟米
咁點知佢喺超甜 其實大自然會話你知
你見黑色豆豉咁大粒果啲喺大黑蟻
連埋比大黑蟻細幾倍嘅小螞蟻
再加上一堆不知名嘅蟲 蛀咗我好幾棵粟米呀!!!!!!!!


我冇放農藥呀 諗住天然吖嘛 有機吖嘛 結果就攪成咁
天氣反覆回暖亦加速昆蟲活躍度
每次落田都要同佢哋搏鬪 果頭趕 果頭又嚟
你話現代農業唔放殺蟲劑 點保得住啲農作物靚靚仔仔

另外又不知何故 頭尾兩棵都種唔大


睇返啲根 壯同潺嘅粟米 啲根都好有分別


十個救火的少年 來到這段落剩返三勇士
我唔想比啲蟻食哂 唯有提早割禾青啦


其實都算飽滿 食落亦甜


人生第一次種粟米 僅作紀錄
看君若有不惜指點 萬分感謝
祝大安

hohojohn 發表於 2021-1-8 10:26
鍵盤戰士?
我未夠班做鍵盤戰士啦

客氣，客氣

Cora 發表於 2021-1-7 12:06
鍵盤戰士，拜服加油呀

鍵盤戰士?
我未夠班做鍵盤戰士啦

不過點都要多謝你啲粟米種子
否則唔會有呢篇文

鍵盤戰士，拜服加油呀

hohojohn 發表於 2020-12-7 14:51
栗米原地 就未知
而家本身有 乒乓波矮瓜(喺上手留低)
龍脷葉(花墟買嘅 煲咗好多次湯)

冬天唔係種芥蘭快收成咩？

freddywongdy 發表於 2020-12-7 14:34
諗下都覺得正呀！
仲要係自己種添！
咁下一水會種乜呀John大？

栗米原地 就未知
而家本身有 乒乓波矮瓜(喺上手留低)
龍脷葉(花墟買嘅 煲咗好多次湯)
菠菜(未見起色)

hohojohn 發表於 2020-12-7 14:08
Freddy大大
你種果啲植物 咪一樣花心機
我呢啲白龍王 雖則話臺灣嚟

諗下都覺得正呀！
仲要係自己種添！
咁下一水會種乜呀John大？

freddywongdy 發表於 2020-12-7 13:45
John大 好有心機阿！
由一粒種子記錄到收成！
下次試下種日本果隻白玉粟吖！

Freddy大大
你種果啲植物 咪一樣花心機
我呢啲白龍王 雖則話臺灣嚟
聽講都係源出日本(未Fact Check) 當生菓咁食
食落都勁甜多汁(所以啲蟲搶住食)
而且因為我提早收割
所以整體好冧好脆
中間心有啲似霧蓮嘅口感

11223300 發表於 2020-12-7 13:32
人哋大量種植果啲, 先進嘅, 用無人飛機噴藥啦, 用化肥,
我哋自己食唔落藥, 用有機肥, 乜都試下種,
種D易 ...

我都聽附近種咗幾十年嘅農友講
街賣嘅都用藥 真正有機嘅好花心機同成本 所以實賣好貴
我初學都喺乜都試吓
第時有機會就試吓堆肥

John大 好有心機阿！
由一粒種子記錄到收成！
下次試下種日本果隻白玉粟吖！
就咁生食好似雪梨咁架！

hohojohn 發表於 2020-12-7 12:54
大大你幅田比我大好多囉
我幾米已經夠忙 (喺有少量其他作物)
我相信一般粟米冇咁惹蟲蟻

人哋大量種植果啲, 先進嘅, 用無人飛機噴藥啦, 用化肥,
我哋自己食唔落藥, 用有機肥, 乜都試下種,
種D易打理, 少惹昆蟲的, 及啱時令作物,
不過用一位置最好輪流種不同作物, 即輪耕!

11223300 發表於 2020-12-7 12:26
正, 好有心機種, 同埋出Post!
種粟米一招惹到蟲蟻就好煩,
不過一棵粟米才一支粟米, 要用好多位種,

大大你幅田比我大好多囉
我幾米已經夠忙 (喺有少量其他作物)
我相信一般粟米冇咁惹蟲蟻
超甜就慘啲 再加上氣候和暖
真喺想知人哋大量種植果啲點種
喺咪打埋本預咗犠牲一堆
雖則話一株一果 不過粟米對人類太重要
點都想就吓種

正, 好有心機種, 同埋出Post!
種粟米一招惹到蟲蟻就好煩,
不過一棵粟米才一支粟米, 要用好多位種,
田仔種D細作物, 多幾樣, 到收成時精彩好多, 哈!

小雷子 發表於 2020-12-7 11:18
睇你種，好似自己亦參舆種埋一份嘅感覺！哈哈！
粟米食得多，但都係冇諗過城市中能種到！
由一粒小小的粟 ...

我觀賞各位大大啲植物
果份心機同智慧 都好拜服
另外要多謝租田比我果位大大
佢種粟米同其蔬菓好耍家 多謝佢分享種子
睇住啲粟米長大
好似做緊小學 暑期日誌工課咁

hohojohn 發表於 2020-12-7 10:07
人哋分租咗一小條田比我 已經有排攪
不過我見外國有好多例子用大盆種粟米
一盆一株 感覺慳位 更有效率 ...

睇你種，好似自己亦參舆種埋一份嘅感覺！哈哈！
粟米食得多，但都係冇諗過城市中能種到！
由一粒小小的粟米，種到咁大棵，真不易！
看到收成的粟米，又飽滿又甜，好有成功感！你好叻叻呀！

yunge0 發表於 2020-12-7 10:20
我覺得逐盤淋水較為花時間，都係地種好。
我都好想有自己地種食啊!

但感覺種盆可以 更有效控制土壤份量同質素
其實睇返D粟米根 就算粗壯嘅植株 根部伸展亦佔地不廣
即喺重有大量土壤未充分利用
雖則話我可以種密D 但咁樣又輪到植物冠部太擠擁 影響光照
淋水方面都喺一樣 一條大水喉啦

hohojohn 發表於 2020-12-7 10:02
多謝
真喺好寶貴 平時只有道聽途說
除咗經驗 重有好多嘢要學

現代農業機械化，無法跟家庭手種的方式相比。

hohojohn 發表於 2020-12-7 10:07
人哋分租咗一小條田比我 已經有排攪
不過我見外國有好多例子用大盆種粟米
一盆一株 感覺慳位 更有效率 ...

我覺得逐盤淋水較為花時間，都係地種好。
我都好想有自己地種食啊!

wingt903_ 發表於 2020-12-7 08:53
正呀，有地可以種粟米

人哋分租咗一小條田比我 已經有排攪
不過我見外國有好多例子用大盆種粟米
一盆一株 感覺慳位 更有效率

yunge0 發表於 2020-12-7 06:48
雖然中間遇上昆蟲和挫折，仍能得到飽滿成果。
過中樂趣及寶貴經驗得來不易。恭喜哂! ...

多謝
真喺好寶貴 平時只有道聽途說
除咗經驗 重有好多嘢要學
我業餘性質 同大規模農業始終有天壤之別