本帖最後由 freddywongdy 於 2020-10-20 09:54 編輯
上星期五天清氣爽,同家人決定黎個短程行山,
目的地係西貢嘅 茅坪!
哩度唔太難行又有野睇,唔錯嘅一個地方!
坐小巴去到西貢前有一個站叫 北港 叫落車,
行入村沿路行上去行到 狐狸頭 ,就係開始嘅地方!
(果度電話仲收到訊號,開個 google map 就見到點行)
行到入去沿路有清晰指示架!
行無幾耐就會經過一d灣曲左嘅竹叢,
好快就到左第一個景點!我叫佢做竹浪!
等我示範下手機點樣攞景啦!haha
再行多一陣就到第二個景點!我叫佢做三角竹林!
果日天氣好陽光好,景觀比較開明!
如果天陰黎應該都會幾陰森架!
影飽相,再行上去,
一路都係古道石級,
年長嘅最好帶備行山杖會好d!
好勒!到左今次重點!
第三個景點!一棵叫榼藤嘅藤皇!
哩棵樹真係紐得好靚,
希望各位參觀人士小心保育啦!
又影完一輪相,
因為要預時間出返西貢食晏同行下,
所以沿路遣返...
果日約 10:30 開始行約 2:00 出到西貢食晏,
其實用時最耐係影相,
如果齋行好快行完呢!
食完晏周圍行下影下!
見到沿海邊d 複羽葉欒樹 棵棵都開得好靚!
又影完一餐先打道回府!
|