本帖最後由 nekotoro 於 2020-7-1 22:28 編輯
#1 - 萬代蘭
估計因為水多導致莖部壞死,姑且切除腐爛部份消毒,置於微濕水苔引根,已經試過兩次差啲出根但再度爛腳,希望唔好再爛,但問過專業人士,萬代如果無根其實好難生存,已打定輸數!
#2 - 爪哇蝴蝶蘭F1混種
棵根返嚟兩個月,一路放鬆水苔上發根,原本好地地又有新葉仔出,突然發現新葉有可疑白色一撻撻傷痕,老葉亦有傷口,但就咁睇搵唔到蟲,以為中菌,點知噴完雙氧水再浸水嘅時候發現有四隻肥肥白白嘅粉蚧蟲痴咗響條根度 即刻用酒精同洗潔精殺死佢哋!清理好之後拎咗返公司隔離一個禮拜再殺蟲消毒,暫時水培觀察仲有無餘孽再孵化出嚟!
咬到啲葉傷曬!
#3 - 嘉多利亞蘭
同上面嘅蝴蝶蘭一齊返嚟,亦同時發現有粉蚧嘅蹤影,啲肥蟲匿晒喺根部附近,要挑開啲枯乾左嘅葉鞘先見到,真係想嘔!
我都唔明點解放咗兩個月都仲有蟲,明明我一開始已經做晒消毒工序,好彩一路都冇同其他蘭花放埋一齊唔係就大檸樂! |