幸福的16年

幸福的16年~~~老狗幸福的一生
作者/傻媽
圖書編号: 3 8888 1637 6439 6


剩睇書名都估到有喊位  知道自己忍唔到, 喺圖書館睇到眼濕濕到用手巾印眼淚, 唔得再睇落去, 快快帶返屋企睇埋佢,   卒之邊睇邊喊整濕2張紙巾.  

故事情節吸引帶動下眼淚跟住嚟, 我已經投入主人身份, 又將自己d貓假設係狗主角, 如果將來佢哋老去嘅時候我會點呢? 真係唔敢想落去, 唯一宜家可以做嘅係趁佢宜家年輕有活力時多d陪佢錫佢, 係要攬住鍚到出面佢哋就開心.

雖然係一本傷感嘅書, 但都教識我當老狗(我估貓都會一樣)有朝一日眼朦耳聾, 之後會腳軟無力失禁, 情況只有差落去, 提醒自己到時唔好怪責佢, 更加要加陪愛錫佢陪佢走餘下嘅路.  

睇到你個帖名, 已經有啲想喊. 我隻13歲老貓. 個幾月前病咗, 睇第一個醫生唔得. 再去睇第二個醫生, 點知做咗好多test都束手無策(心臟病, 嚴重水腫, 導致氣速), 醫生都話唔好同佢開刀, 只係開咗少少睇吓幫唔幫到佢. 日子只有倒數. 我真係諗唔到自己做人都唔係日子短吖, 呢啲生離死別嘅嘢應該頂得住. 點知喺診所度喊到幾樣衰!!! 因為我呢隻貓真係好抵死架. 識好似狗咁俾手我, 識睇手勢指令, 見到出便有貓打交, 會同我一齊追出去(我解圍, 佢就想幫拖). 見到狗, 俾人吠, 仲會唔識死咁同佢對峙. (有次1對4都面不改容). 仲記得有次廚房廚柜內的水喉管斷咗漏水, 我喺廳, 听唔到, 但我見佢豬事八掛咁裝裝吓, 因為佢知自己唔入得廚房. 好彩有佢, 如果唔我應該去咗瞓覺, 屋企實水浸. 一幕一幕............. 當晚我記得自己回家同隻貓講: 「你效力咗我咁多年, 互相咩都還哂架喇! 你下世唔好再做畜牲喇!」.........點知.......個悲劇悲唔哂. 佢之後奇蹟咁冇事照樣食瞓玩. 原來大家仲未緣盡..............

睇左一定喊死我
琴日先執左2隻狗仔比我媽咪,同本書封面果隻好似架..

rrr888 發表於 2011-7-9 02:16
睇到你個帖名, 已經有啲想喊. 我隻13歲老貓. 個幾月前病咗, 睇第一個醫生唔得. 再去睇第二個醫生, 點知做咗 ...

唔好灰心,只要佢食得瞓得都要俾個生存權利佢, 最重要係多d時候陪佢已好開心啦   你哋要努力呀

我一定一定唔會睇呢 D 書 ... 好似 D 小Q 呀 柴犬呀, 我打死都唔睇 ... 受唔住個 ending ...

要看有關這類的書或電影或紀錄片都要在家躲起來看和準備毛巾。紙巾不管用。

我都有呢本書~睇左

呢類電影我一定唔睇，自己頂唔順。
到我最後一隻貓貓十六歲要走時，我差唔多崩潰。
佢走之前睇咗呢本書。可以平復少少。
動物生死書﹣作者杜白

呢d同動物有關既書同電影, 我最中意睇~

我隻馬克都是十六歲時上了天國,到現在想起都係好傷心

早幾年前, 我的22歲愛貓回到天國, 當時我係好傷心. 其實想深1層, 生與死是一個大自然定律.
曾經互相扶持,一起睡覺, 一起成長, 伴我渡過每個難関, 需然它不在,但它永遠活在我心深處, 相信, 它也是ｌ樣, 朋友們, 化傷感為力量,它希望我們 活着更精彩