蘭花茶療

<飲茶>  大家都飲得多，你有冇試過請蘭花飲下茶呢？
係呢度分享一個比較有趣嘅治療方法…稱為…<茶療>
<茶療>對於一啲好弱或爛根情況嚴重的蘭花有幫助，茶水裹面有種酵菌，對蘭根有特別益處，包括可以強壯根部，可以令新根加快生長，效果唔錯架！
<茶療>對於水培蘭特別有幫，所為有病醫病，無病強身，哈哈！
茶療方法如下:
材料:
任何一款茶葉都可以，睇你自己平日飲開咩茶， 普洱，壽眉，綠茶，紅茶等都可以，唯獨一款茶係唔可以…………就係奶茶！
你可以用熱水冲茶，或冷水冲茶都可以，最重要係用淡茶水，我用飲剩嘅茶水做茶療的，如果茶水太濃，可以用水溝淡備用！
過程:
我用左3杯茶示範，茶水大約1吋高，茶色都好深下，因為啲茶係剛從杯倒出，未有任何稀釋！

跟住把凍水加到8分滿，茶色已很淡，只有少少啡黃色，呢個濃度剛好………稱為…<淡茶>
將裸根嘅蘭花放入茶水，茶水要覆蓋所有根，浸泡約5-8個鐘，我比較懶計時間，通常臨瞓前將蘭花泡茶，起身就倒茶及用清水冲洗一下根部，就開始裸根，咁之為1次！
茶療需進行3-5次，為一個療程！
之後就按回原本方法種植！
我之前用過係蝴蝶蘭身上，今次試埋石斛身上，睇下效果如何！

Childpark 發表於 2020-3-20 18:30
我都有聽聞用茶葉當肥料，不過好像用在泥裡

其實茶葉帶鹼性，放在泥沒問題

木條浸水引根都係好方法！你做實驗最多，我都係跟師兄學習！

mooon 發表於 2020-3-20 18:40
哇！你講得好清楚，你一定睇過我問人，你好似答緊我咁，好正呀你。

專為你而設架！哈哈！

哇！你講得好清楚，你一定睇過我問人，你好似答緊我咁，好正呀你。

我都有聽聞用茶葉當肥料，不過好像用在泥裡

其實茶葉帶鹼性，放在泥沒問題
茶葉水就不知效果了！
不過可以試試

其實我總覺得水培不應該全部根浸水
其實重點是高濕度、濕氣重可以催生蘭花生根
也可以讓根吸到大量水份，讓蘭花生長加快！

嚴重爛根的老莖我會嘗試用用木浸水，讓木的濕度加強，就可以救蘭花，有些會催生到老莖再生根

B17 發表於 2020-3-19 23:57
下年有下年，十年後仍然有下年！

你講得啱，今晚就掉佢出街！

小雷子 發表於 2020-3-19 23:43
我又唔信一定要制水先可以有花開，今年唔開咪等下年囉！

下年有下年，十年後仍然有下年！

B17 發表於 2020-3-19 23:32
有d石斛要制水，水浸點開花呢！唔要咪送畀人囉！

我又唔信一定要制水先可以有花開，今年唔開咪等下年囉！

小雷子 發表於 2020-3-19 23:11
嘩！追功課呀，佢大左好多，但仍未有花冧，你話點算好呢？ ...

有d石斛要制水，水浸點開花呢！唔要咪送畀人囉！

B17 發表於 2020-3-19 21:51
之前棵水種石斛去咗邊？花期應該到咗，花呢？

嘩！追功課呀，佢大左好多，但仍未有花冧，你話點算好呢？

小雷子 發表於 2020-3-19 20:59
B大大你都有飲茶架，不如又試下，反正冇害又環保！

之前棵水種石斛去咗邊？花期應該到咗，花呢？

B17 發表於 2020-3-19 20:14
又有石斛慘遭毒手

B大大你都有飲茶架，不如又試下，反正冇害又環保！

sarshk2014 發表於 2020-3-19 19:21
多謝雷大大不吝嗇推介心得，已後我嘅茶餘就當肥料咁淋佢地啦！！格夜茶得唔得架？ ...

格夜茶都得架，物盡奇用！

又有石斛慘遭毒手

多謝雷大大不吝嗇推介心得，已後我嘅茶餘就當肥料咁淋佢地啦！！格夜茶得唔得架？

nekotoro 發表於 2020-3-18 19:24
佢當D花蕃薯咁種㗎咋！<span class="emoji emoji1f606"></span><span class="emoji emoji1f606"></span>

哈哈！呢啲叫高手種蘭花，唔會婆婆媽媽！

小雷子 發表於 2020-3-18 18:40
世伯種蘭一定好叻呀！<span class="emoji emoji1f609"></span>
叫佢上嚟，同大家一齊分享經驗啦！<span class="emoji emoji1f60a"></span> ...

佢當D花蕃薯咁種㗎咋！

freddywongdy 發表於 2020-3-18 18:42
原來有d咁奇效！
長知識！

希望呢個方法可以幫到大家！

原來有d咁奇效！
長知識！

nekotoro 發表於 2020-3-18 18:11
我爸爸有時將茶渣倒入盆栽內，又真係生得唔錯㗎喎！<span class="emoji emoji1f606"></span>

世伯種蘭一定好叻呀！
叫佢上嚟，同大家一齊分享經驗啦！