本帖最後由 freddywongdy 於 2020-2-19 11:22 編輯
同朋友傾計其中一個話題就係:
你有冇遇過一啲離奇古怪嘅事?
好似哩位喺酒店工作嘅朋友W,
講咗以下嘅事件.....
唔好以為門牌數字唔吉利就會有怪事發生!
個門牌係靚Number,一樣會有怪事發生!
我:咁你響酒店返工除咗遇到啲古怪人客之外,會唔會都遇到好多好離奇古怪嘅事?
W: 咁又唔係好多!
我:我成日聽啲朋友講佢哋住酒店啲奇怪經歷,我覺得佢哋可能係疑神疑鬼!咁你信唔信有呢啲野?
W:信!我信有呢啲嘢架!
我:咁你果件事係點㗎?講嚟聽吓!
W :係咁嘅!有一晚有個女人走落嚟前台投訴喎!
我:一定係大陸人啦!你嗰間酒店咁近中港城!
W:係呀大陸女人,佢要求換房,話間房好迫住得佢好唔舒服?
我:佢見到野?
W:咁又無喎!咁經理叫咗個肥仔同事上去睇吓間房咩事啦,大家都知道呢位同事對眼可以睇到嗰啲嘢!
我:咁佢見到D咩呀?
W:肥仔同事返落嚟話俾經理聽,有四個日本人坐咗係張床度睇波喎!
我:哈哈!咁點算呀!
W:咁咪安排換過間房比個女人囉!
我:唔係呀!我話果間房咁猛!以後點比人住呀?
W:係果次姐嘛!間房其實冇乜特別野!不過之後我地對哩間82X 房都驚驚地!
<完>
|