有些蘭花要夠老先會開 - Paph. primulinum x haynaldianum

Paph. primulinum var purpurascens x haynaldianum

雖然不是什麼稀有的交配種，但都種左6年先開花。拖鞋蘭的性情很難觸摸，有些一定要夠老先肯開花，未夠老點谷開花肥都係冇用，像這棵仔都生左兩件都未肯開，要等足6年先開。

舊帖回顧，其實本帖所述的是我的第二盆pxh，''正室''是以下舊帖中的一棵，她是我人生第一株入手，有名有姓的''貴價''拖鞋蘭，未擁有之前一直都是種山採株(當時不知道是山採)和拾蘭花頭。

這棵應該是全個花場最粗生其中一種拖鞋蘭，去年交了給家人代為照顧，可是家人不諳拖鞋蘭屬性，冬季窗邊有西曬卻沒有轉移栽種位置，最後結果可想而知。粗生極還是圍繞在拖鞋蘭的層面上，一乾到和曬到就很難救。

同樣兩棵都是pxh，但花型差別頗大，''正室''花瓣展開得較完全，花型較野性， ''繼室''上萼片開盡也只是半開，不過細緻度較高，各有特色。


https://hkplants.com/thread-146749-1-1.html

人有三衰六旺，蘭花何賞不是? 雖然此花在拖鞋族中已算是非常易種的一種，但想不到原來也曾在鬼門關徘徊過，離開花之日不過只差一年時間，好險。

14/3/2018



她們就是愛生活在一起，一分開種就出事，最後又重新種在一起。

8/6/2018

W88 發表於 2019-12-7 06:31
樓主不用介懷，時移世易，花無百日紅！
呢度以前都好熱鬧，好多人出貼！
可能近年多咗人放棄種蘭花，所以 ...

花無百日紅

是的，熱潮已經過去，而種花從來不是一件輕鬆的事，也很難怪。只是一棵蘭花種得好是可以種一輩子，而且年年有花開，不應該出現所謂的熱潮與不熱潮，就好像養寵物一樣，要照顧牠們一輩子。但想深一層，蘭花本來就生於森林幽谷，熱潮過去的同時也讓蘭花回歸自然，這可能也是一種自然調節。

psyche 發表於 2019-12-6 21:19
好令人懷念，可惜已成絕響。去呢啲地方買花先有意思，老闆要令顧客感受到對蘭花有認識，有熱情，顧客才會 ...

樓主不用介懷，時移世易，花無百日紅！
呢度以前都好熱鬧，好多人出貼！
可能近年多咗人放棄種蘭花，所以先咁冷清！

freddywongdy 發表於 2019-12-6 21:08
以前最安心就係去萬春園買蘭花果時，老板話： 放心！種定左好易種！  ...

好令人懷念，可惜已成絕響。去呢啲地方買花先有意思，老闆要令顧客感受到對蘭花有認識，有熱情，顧客才會被感染到，我現時已經唔識買花。
睇下花展就知，已經愈來愈少人拿蘭花去參展，如不是仲有香港蘭藝會撐住，真係冇咩蘭花可以影。

psyche 發表於 2019-12-6 11:26
萬春園遺作，如假包換，花苗在香港土生土長，這是最難能可貴的地方。
到底香港何時才有另一個萬春園? 當年 ...

以前最安心就係去萬春園買蘭花果時，老板話： 放心！種定左好易種！

可愛蟲蟲也來為花花打氣

萬春園遺作，如假包換，花苗在香港土生土長，這是最難能可貴的地方。
到底香港何時才有另一個萬春園? 當年在園內賣得最平的花，今日在我家卻變成了上賓。

W88 發表於 2019-12-2 14:11
六年磨一劍真係唔簡單，要好好記錄記錄一吓！

其實真的算不上是什麼，種花本來就是一場等待，差別只係有人等得長啲，有人等短啲。其實喜歡拍片，因為拍片可以呈現栩栩如生的感覺。

psyche 發表於 2019-12-2 11:41
https://youtu.be/2iah2lncrGU

影片分享，只贈有緣人

六年磨一劍真係唔簡單，要好好記錄記錄一吓！

https://youtu.be/2iah2lncrGU

影片分享，只贈有緣人

換機再拍過，三星手機用了幾年，鏡頭已出現嚴重老化，前幾張照片拍得太差，令蘭花美態大打折扣。

開定了，期間一直有施簿肥，這朵暫時係最肥大的一朵。

遲來先上岸... 右邊個朵明明遲三日先全開，竟然先凋謝了，可能因為花梗曾受綿花蟲影響...

ChanKwingYin 發表於 2019-11-26 09:15
暫時來講斑拖我種得最好嘅係越南美人, 用萬象盆水苔Paphiopedilum sukhakulii都勉強話生得好, 唔生仔但係啲 ...

Right! 種過有邊啲好種既多啲介紹下，等其他新手花友都可以一齊種，以減少挫折。sukhakulii係其中一種我最喜歡的單花類，顏色好特別，不過如分芽能力弱又扣分，本貼的6年先生到一~兩個仔，生養同樣麻麻。

ChanKwingYin 發表於 2019-11-26 08:50
冇啊, Bunbun 之前都有金童玉女啦成個花墟都唔係好得去邊。我好多拖都係淘寶買我見佢哋係人工繁殖先至買 ...

淘寶貨的質素如何？之前有諗過在外國網站訂蘭花，唔想成日都賓賓聲生生聲，太獨市唔好玩。種開蘭花的一睇就知係咪山採貨，之前有棵富寧，一拆出黎換盆發現根部被切斷了一半，可惡。

暫時來講斑拖我種得最好嘅係越南美人, 用萬象盆水苔Paphiopedilum sukhakulii都勉強話生得好, 唔生仔但係啲根幾健康。

psyche 發表於 2019-11-25 23:23
香港小姐purpuratum給我印象係極嬌嫩，就算係本地原生種一樣冇面俾，葉薄、斑葉、根系弱、完全唔曬得都係 ...

冇啊, Bunbun 之前都有金童玉女啦成個花墟都唔係好得去邊。我好多拖都係淘寶買我見佢哋係人工繁殖先至買買返嚟嘅時候個樣都幾靚仔，應該就唔係山採

ChanKwingYin 發表於 2019-11-25 17:16
都係呀, 香港小姐本來三年都好地地但係無啦啦死比我睇。咁多年拖鞋蘭無根可以救得返，我諗剩係得esquirol ...

香港小姐purpuratum給我印象係極嬌嫩，就算係本地原生種一樣冇面俾，葉薄、斑葉、根系弱、完全唔曬得都係死症。我同你情況完全一樣，頭個幾年種得好靚，之後就無啦啦死，一句講哂就係難種。原來你有咁多品種，一定好多實戰經驗。但你的拖鞋有冇山採株? malipoense, micranthum,  esquirolei個啲勁多山採，這些品種商人根本唔會投資人工種植，上山摘大把。山採株種唔生，上X有時都賣山採野，要小心分辨。想買靚蘭花可能真係要飛去台灣，香港已經冇蘭花賣。