長壽粥

[複製鏈接]
作者: cklife 发表于 2010-10-21 15:54:21
3303 11
本帖最後由 cklife 於 2010-10-22 18:47 編輯

長壽粥(一人五天量)

A
綠豆50g
薏仁50g
蓮子50g(連心,有皮沒皮均可)
扁豆50g


B
紅棗30g(去核)
枸杞子10g



北茋水︰
北芪250g適量水泡20分鐘,煮15分鐘,瀝出湯水。然後再將北芪加2碗水煮20分鐘,再加一碗水煮15分鐘,兩部分湯水合並用來煮粥(以上配料)。



煮粥︰
豆類即A項,泡水2小時,倒去水份,加入紅棗洗淨入鍋,加北芪水,急火煮沸後慢火燉30分鐘再加入枸杞子,一起再煮十分鐘



註︰
以上粥量五天服用材料是五天的量,黃芪每天的量是50
每天一碗,可以在吃早餐前吃(如果很早起的人可以晨運前吃),或代替早餐、消夜、下午茶,或用來加餐。



這是江蘇南通的國醫大師朱良春教授的配方,以他93歲高齡在鏡頭前看到依然壯健精神,據說他己經吃了六十多年這個粥。





功效︰


中醫認為心主血脈,主神明,心的功能正常,則氣血運行正常,精力充沛,而苦入心,帶點苦味的蓮子正好能夠清心養心,同時綠豆也是入心經的,有清熱解毒的功效。肝藏血,主筋,肝經氣血充足則筋得其養,體力強健,而枸杞是入肝經的,是補肝的佳品。脾主運化、升清,是後天之本,承擔著人的消化吸收功能,脾失健運就會出現營養不良,紅棗、薏仁、扁豆都是健脾的。肺主氣、司呼吸,管人體氧氣供應和輸送,肺氣足了生機才會旺盛,薏仁補肺清熱化痰的功效非常好。腎藏精,主骨生髓,腎精不足則腦髓失養,蓮子、薏仁、枸杞都入腎經,對腎有補益的作用。總之,這幾樣東西合在一起就能滋補調和五臟,使正氣充足,精力體力旺盛,再加上大補元氣的黃芪,的確比靈丹妙藥還管用。


資料來源︰新浪文化
cklife 發表於 2010-10-21 15:54:44 |顯示全部樓層
本帖最後由 cklife 於 2010-10-21 16:21 編輯

依個粥我食左一排覺得幾好,尤其係氣血唔多夠,消化力又差,有D虛不受補既人。裡面因為寒熱食物都有配合到,所以適合大多數人體質。
其實我寫出黎係想配合埋康普茶一齊既,我諗會適合以下三類人仕。

1.新素食者
初初學食素,好容易唔識配合,食左一段時間後發覺身體弱左,有D人會見暈,有D人又話手震咁,又話面青唇白。要食素身邊屋企人可能己經有比壓力,如果食得一輪身體變差,受到壓力更大。而且食素好多人會因為想身體好D,食左變差就達唔到想要效果。
我覺得康普茶+長壽粥係一個唔錯的幫助,一來味道好,二來素食者有可能缺乏既,鐵質、B12、葉酸、蛋白質都包含。康普茶幫助腸臟健康,咁食少少野營養都會吸收得好D,另外長壽粥補五臟之餘對血氣都好有助益,咁就唔會食素食到面青唇白喇。

2.節食減肥者
節食減肥既人,我見有好多都唔食早餐,而且盡量咩都唔入口,好似飲水都怕肥咁。但如果身體連運作既能量都無,咁癈物點排走?脂肪點燃燒? 我建議節食減肥者一定要食早餐,因為食左早餐先出門,就比較容易扺抗美食既誘惑,早餐就用長壽粥,有D飽肚,又補身,氣血好人都靚D啦。再配合康普茶,將腸裡面既癈物清左佢,咁個肚腩咪易D消囉...

3.身體會有無名問題,好似周身都有小問題,但頭痛醫頭腳痛醫腳,總係醫完都一大堆問題既人。
即然太多小問題,針對性攪唔惦,不如先攪好自己機能啦,身體係好奇妙既,佢有能力時就會開始做自動修復既工作,咁你咪比多D能量佢,等佢自己醫囉。我之前都同某網友講過八爪魚理論,唔好比果D爪分左心,一野鐘落佢個頭度,就可以做低佢架喇。調理好自己身體,等身體自己做修復工作,係其中一種鐘八爪魚個頭既工具。
中里巴人老師講過,病好似一條魚咁,唔同既魚需要唔同既環境先生長到,咁你想養條魚,咪要攪定適合佢既水溫、PH值、光線等等野佢先生得好囉....反過來,你唔比適合佢既環境佢,放幾多條落去佢都係死架啦.....所以唔想養住個病,就要製做一個唔適合病生存既環境。依個先係根本問題。

脾胃後係天之源,供給能量比我地維持健康同生命,康普茶可以幫助腸胃,等食落去既野營養部份容易吸收,癈物部份快D帶走。而長壽粥補氣血養五臟,氣血好先可以將營養帶去身體各部份,同帶走癈物,尤其老年便秘,有好多都係因為氣唔夠,腸唔多陏,無乜便意,排便時又唔多夠力推佢出黎,所以有便秘者可以試下呀。
貓后 發表於 2010-10-21 16:36:11 |顯示全部樓層
想問下長壽粥一次煮5天份量,其餘個d放係雪櫃儲存丫?
SSL200507 發表於 2010-10-21 16:44:13 |顯示全部樓層
Thank you for the information.

But it is difficult to buy 蓮子連心 except the fresh one, it is OK to use fresh ones or can use dry one without 蓮心?
cklife 發表於 2010-10-21 16:59:48 |顯示全部樓層
想問下長壽粥一次煮5天份量,其餘個d放係雪櫃儲存丫?
貓后 發表於 2010-10-21 16:36



   係呀...我就懶D...我一次煮30分,放小D水,全部放晒入冰箱急凍,要食既時候加少少水煲番滾佢。
cklife 發表於 2010-10-21 17:02:17 |顯示全部樓層
Thank you for the information.

But it is difficult to buy 蓮子連心 except the fresh one, it is OK t ...
SSL200507 發表於 2010-10-21 16:44



   有蓮子心既蓮子初時我都以為好難搵,因為我走左去藥材舖搵...後來問過朋友,佢教我去雜貨店搵,要搵原粒既,但個屁股唔可以有個洞洞,有個洞洞既連子芯比人拮左出黎,要搵屁股密密實果種,就會有連子芯係裡面。
我寫既份量係乾連子份量呀...新鮮蓮子我都唔知要落幾多....
muitau 發表於 2010-10-22 15:40:30 |顯示全部樓層
有蓮子心既蓮子初時我都以為好難搵,因為我走左去藥材舖搵...後來問過朋友,佢教我去雜貨店搵,要搵 ...
cklife 發表於 2010-10-21 17:02


ck,
睇你分享確係獲益良多, 多謝你,
呢種自療/自種/自釀/自制既生活,
令我開始我感覺到屋企完全唔見使,
要搵地方擺野 add9icon
cklife 發表於 2010-10-22 17:21:05 |顯示全部樓層
ck,
睇你分享確係獲益良多, 多謝你,
呢種自療/自種/自釀/自制既生活,
令我開始我感覺到屋企完全唔見使, ...
muitau 發表於 2010-10-22 15:40

係呀....香港地,真係好難搵地方架....

所以都只可以選擇適合自己既黎做囉...
亞實 發表於 2010-10-22 18:43:50 |顯示全部樓層
請問大棗是什麼?

請問為什麼北茋水是用黃芪來做?
cklife 發表於 2010-10-22 18:46:43 |顯示全部樓層
請問大棗是什麼?

請問為什麼北茋水是用黃芪來做?
亞實 發表於 2010-10-22 18:43



   大棗...即紅棗....改番寫紅棗先...大家易睇d...
係呀北茋水用黃茋黎做呀....北蓍同黃蓍係同一樣野呀...
亞實 發表於 2010-10-22 18:50:35 |顯示全部樓層
大棗...即紅棗....改番寫紅棗先...大家易睇d...
係呀北茋水用黃茋黎做呀....北蓍同黃蓍係同一樣野呀. ...
cklife 發表於 2010-10-22 18:46


謝謝ck, 去買材料先, 我最鍾意食粥/湯類食物
cklife 發表於 2010-10-22 18:57:18 |顯示全部樓層
謝謝ck, 去買材料先, 我最鍾意食粥/湯類食物
亞實 發表於 2010-10-22 18:50


係呀....咁你實夠水份喇.....依個粥既味道我幾中意架....蓮子香香地,紅棗甜甜地...幾好食...
您需要登錄後才可以回帖 登錄 | 註冊

本版積分規則

園藝大師
  • 118

    主題

  • 10582

    貼文

  • 7

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.