意大利香草包

意大利香草包配青醬好好味呀~~~


今次用既香草油係百里香，放係麵糰中間既係今期採收既新鮮馬鬱蘭。
因為無準備其他材料，所以包麵就只有一個個洞洞，大家有橄欖火腿等等可以塞入D洞洞度一齊焗。



義大利香草麵包
高筋粉315G
低筋麵粉135G
細砂糖25G
乾酵母9G
水250G
橄欖油45G


製法︰

• 材料除油外全部混合，略揉搓成麵糰，成麵糰後再加入油一起揉搓至麵糰光滑，發酵至二倍大。
• 整形︰把香草均勻搓入麵糰中，再把麵糰用麵粉棍擀成焗盤大小，烤盤放上牛油紙，再將麵糰放上，略壓把麵糰均勻的平鋪在盤上，用手指壓出一排洞，發酵至二倍大。
• 發酵完用噴壼把橄欖油噴在麵糰表面，灑上鹽再用手指在之前壓出的洞上用力壓至盤底。
• 預熱烤爐，放入麵糰以180度焗15分鐘。

註︰

• 橄欖油先以香草浸泡一星期增加香味。
• 最後一次發酵後，所灑上的食鹽是海鹽，焗完不會溶化， 再用手指壓洞後可以放上各式不同食材於洞上(橄欖片、火腿片、乾果、香草等等)
• 用小焗爐的朋友要注意，因為發熱線近麵包面，所以要留意，包面上色後就要蓋上錫紙才繼續焗，不然焗好了，麵包面就燶了。

依個包好清楚睇到我個焗爐D火力喇...中間大火四周細火....

好得意, 好似枕頭~
成品右手面那舊黑色東東是?

好得意, 好似枕頭~
成品右手面那舊黑色東東是?
jellyfishy 發表於 2010-10-18 00:03

相影得唔係咁好...果舊係青醬....要黎搽麵包架....

請問這個份量是供多少人吃??

哩個帖教意大利香草包可以用趕面棍！！

我見其他義大利香草麵包的食譜都有鹽的 (份量跟糖差不多, 所以我覺得好咸). 這個食譜沒有鹽, 是否可以刪去鹽呢?

其實原食譜有鹽既...入焗爐前係麵糰面酒上海鹽，焗完食時會咸咸地。

而我就唔落鹽...你可以試下....亦可以唔落鹽，係面舖上橄欖片，再入爐焗。

今天又做香草包，改用17小時中種法，用麵包機攪拌和發酵，再放入焗爐。
試試做餡包，真的很好吃。

呀! 我到現在都未整!
我上兩年睇完而經想整!!

想問發酵時間係幾長? 要放雪櫃嗎?
同埋火腿料放洞洞好似好易丟出來,仲有咩放法可以建議>.<"


再用手指壓洞後可以放上各式不同食材於洞上(橄欖片、火腿片、乾果、香草等等)
咁係焗完再放料還是先放再焗(?)
加茄醬會夾嗎@_@,,,,

好多問題添

想問發酵時間係幾長?
發酵時間係同一般麵包差唔多，都要視乎你用既酵母活力、溫度、濕度等等....

要放雪櫃嗎?
有餡麵包最好放雪櫃，食時用錫紙包住放焗爐翻熱，如果覺得麵包較乾可以灑少少水再包錫紙。但一般油多既麵包唔會好乾，但減左油整會乾少少。

同埋火腿料放洞洞好似好易丟出來,仲有咩放法可以建議>.<"
做餡料麵包包實咪唔掉出黎囉，火腿切細絲亦比較無咁易甩出黎，就係做好麵糰要整型時，將麵糰分二份，底一塊麵一塊，你火腿茄醬之類可以放中間，四邊壓實唔好漏餡，中間用叉拮小洞。

再用手指壓洞後可以放上各式不同食材於洞上(橄欖片、火腿片、乾果、香草等等)
咁係焗完再放料還是先放再焗(?)
先放再焗

加茄醬會夾嗎@_@,,,,
依個我睇唔明


怕易濃或者想要焗完都濕濕地既材料，用依種方法。

cklife 發表於 2013-6-17 07:53
想問發酵時間係幾長?
發酵時間係同一般麵包差唔多，都要視乎你用既酵母活力、溫度、濕度等等....

謝謝回覆^^

但係"發酵時間係同一般麵包差唔多"唔明,,因為我未整過麵包的T.T
平均一小時夠嗎? @@

茄醬係想茶入去麵包入面焗,會否太濕影響到效果@@?

打算做來和朋友去野餐享用^.^

一小時發酵法`
https://www.youtube.com/watch?v=Pr3sFbnO234
法酵前基本整型
https://www.youtube.com/watch?v=8Ht3xwDnHD0
無餡香草包
https://www.youtube.com/watch?v=U4jBKv9GszM
Pizze包做法(焗前將炒熟洋葱同芝士放係包麵，再拎去焗)
https://www.youtube.com/watch?v=T-7TmQDJSko
有餡包
https://www.youtube.com/watch?v=vpc9XSG0IEM

我放左製作過程係blog 可以去睇下。係blog度我係用另一個食譜，我覺得好食D既，同埋我係用麵包機搓麵糰同發酵，再用焗爐焗。
http://venus1022.blogspot.hk/2013/04/blog-post.html

---

中間想夾茄醬，唔一定整有餡包，可以做無餡，再係中間切開佢，再似三文治咁夾野落去。
(依條片有示範 https://www.youtube.com/watch?v=S-4_-g2zaE0)
想中間餡用茄醬，唔好真係就咁放D街外買既樽裝茄醬落去，會好難食。個餡點都煮一煮調下味好D。

cklife 發表於 2013-6-18 07:38
一小時發酵法`
https://www.youtube.com/watch?v=Pr3sFbnO234
法酵前基本整型

慢愎研究下先hehe~~~


下,我仲諗著直接買樽裝茄醬,,

番茄牛油抹醬
這個是我在意大利廳餐吃麵包時拌吃的醬，不是一般的一塊牛油，而是加了茄膏和香料的抹醬。

材料：1. 無鹽牛油125g (較香，吃素者可用植物油); 2. 茄膏/日曬茄醬150g-200g; 3. 切碎的蒜頭3-5瓣;
          4. 意大利香草2茶匙(乾)。若用新鮮的羅勒+迷迭香+OREGANO等切碎適量。

做法：
1. 牛油/植物油在室溫下軟化後，依序加入蕃茄醬、蒜頭及香料草完全混合。
   鮮紅的茄醬應轉為橙色。
2. 加點鹽調味。醬的味道應該香而不鹹，室溫下軟滑而不溶化。

八王爺 發表於 2013-6-20 15:08
番茄牛油抹醬
這個是我在意大利廳餐吃麵包時拌吃的醬，不是一般的一塊牛油，而是加了茄膏和香料的抹醬。

原來整個包都幾多野搞  

好pro丫, 借問聲用光波爐可以做到嗎 ? 睇過blog, 請問麵包機是否要用好pro個D ? 幾百蚊個D可以嗎? THX