秋啖秋葵

秋葵大家有無食過呢？

秋葵 學名Abelmoschus esculentus, 又名 羊角茄，潺茄，毛茄，英文一般叫 Lady's finger 或者 okra (印度話？)
含豐富鈣，維他命A,B,C 及 果膠，所以切開佢，滑潺潺。


如何揀秋葵？ 一般要嫩，入口爽脆。老秋葵可以用來煮咖喱。

看看圖：

左邊梗飽滿的嫰，右邊梗空心稍老。
切去梗，看的更清楚。


然后要去花托位，那部份硬，口感不佳。

去梗後，下面一圓位是開花時的花托位，要用刀批去。

比較一下未切梗，左邊，同切咗梗的樣，右邊。

未批花托位，左邊，同批咗之後，右邊。

批完花托位，咁就可以預備煮秋葵，做各樣菜的配搭。

買咗老秋葵點算？可以成條做咖哩，或者切小段，較易入口。

橫切後看到左邊肉厚啲，五邊形，嫰。右邊肉薄，星形，稍老。
另一個「老秋」的外表角邊褐色，切開啲種子有少少褐色斑。
圖中右邊的種子沒有褐色斑，都不算老，只是稍老。

白灼秋葵，加啲蒜蓉，清爽的小菜一碟！

我都好真意食秋葵呀 , 用來白灼和整咖哩 , 有時切片, 加埋栗米和靈芝菇一齊炒呀 .

公主教過整過醃秋葵～～
真係好好好好食架～～　
不過口感呢家野呢，就唔係人人接受～　（種子黏黏的感覺）

check過秋葵食療，原來佢對修補胃黏膜很有幫助的～

種緊
希望快D有得食!

多謝教我點分秋葵老嫰，下次買菜識得點揀喇...

我都係食得多，慢慢留意到。
初初食，偶然買到幾枝 「老秋」真係好難食，又粗又嚡。
於是冧起印度人整咖喱好鍾意用佢，就攞黎煮咖喱，真係好得。

幾年前一大包只買6元-8元，依家要12元，真係物換星移。
最好都係自己種。

種緊
希望快D有得食!
oneonewe 發表於 2010-10-13 00:01

秋葵怕冷, 深秋開始會枯, 快d谷大佢, 吃得幾多得幾多.

多謝教我點分秋葵老嫰，下次買菜識得點揀喇...
cklife 發表於 2010-10-13 09:31

CK，揀細條啲，軟身嘅，唔好見到有子凸起。就應該無乜點衰。

CK，揀細條啲，軟身嘅，唔好見到有子凸起。就應該無乜點衰。
mono 發表於 2010-10-14 10:32

   係呀....我記住....我今年先學人食秋葵，以前唔食..怕左佢D潺.....不過見D人種得咁開心....又話有益就學下點食囉...到依家都只係接受到煎蛋...因為會無咩潺.....而且買到靚既話，好甜好好食...

去年我種的秋葵, 收成時有5吋長 , 入口也很嫩很軟呀 ..
但今年我又再種 , 可能是不同品種啦, 早2天收到時約4吋長, 入口卻又硬又老了 .

fainfumy, 秋葵都有幾個品種嘅，自家種的我不知道是哪一種。
不過，街巿買嘅，最少有兩種，一種係大向長身，一種係肥短身。
而見過有 褐色皮的，不過很罕有。