簡單順手炒土豆絲

依個炒法太簡單喇....薑、蔥、土豆都唔難種呀....係大陸食過好中意，所以番黎時不時會煮...






炒土豆絲
材料︰馬玲薯二個(切細絲)、薑蔥適量(切絲)、麻油適量、鹽適量

1.馬玲薯絲用清水洗去表面澱粉，晾乾備用。
2.燒熱油鍋，下蔥絲爆一下，下馬玲薯絲，炒至熟(如感黏鑊可再加少許)，再加入蔥，下鹽調味。
3.最後灑上麻油，上碟即成。

(馬玲薯挑澱粉較少的品種，炒時比較不黏鑊，而且口感較爽。)

煮法簡單, 清清地又飽肚, 幾好啵, 屋企有幾隻有機薯仔, 一於今晚試吓整!

炒土豆絲的確很好呀 , 我未試過ck 你咁炒, 下次我都可以試下呀 ,  我有時都加少少肉絲一齊炒呀 , 都幾好餸飯呀 .

炒土豆絲的確很好呀 , 我未試過ck 你咁炒, 下次我都可以試下呀 ,  我有時都加少少肉絲一齊炒呀 , 都幾好餸 ...
fianfumy 發表於 2010-10-10 23:09

   可以加臘肉或臘腸會香D...

請問下邊種馬玲薯係澱粉較少既品種呀,可唔可以比d相睇下

好多種都係架....焗薯、同街市賣煲湯話好粉果D就係澱粉會出得多D，用黎炒易痴鑊...

你用煲湯唔好食果D就對....我知新薯會無咁粉...另外我係超市買過紅皮薯仔要黎炒都OK...

不過品種真係要自己試試...因為我有試過一D炒出黎食落有薯仔香...有d就無香味...我用紅皮果隻就無香味...不過一樣爽口...

其實，焗薯我都有炒過，都炒到，不過要落多D油，同埋唔可以炒太耐，食落都幾好食。

所以，如果用易潔鑊，都可以唔理佢咩種....咁就唔洗限死自己....因為我唔係用易潔鑊，所以會要揀薯仔囉...

明白晒,唔該晒