為食香草

多謝分享蕃茄醬和pizza製法

好好好有用吖，借嚟一用下月教義工們做可以嗎？

wa
個PIZZA好花功夫
又要買料
gunbuster363 發表於 2010-9-8 12:45

   所以我教個皮係可以一次做好多份，急凍係雪櫃。要想食時拎一塊出黎放材料囉....其實做好皮後，最重要係芝士，其他材料可以用餸頭餸尾做架。
比多一個焗薯食譜出黎你睇，只係換左pizza做薯仔，其實做法一樣。





簡易焗薯


材料:美國焗薯一隻
餡料少許(隨便什麼都可以)
Mozzarella芝士碎適量(百佳有售)
錫紙一張(這個不能吃下肚)

做法:

• 先用沸水煮馬玲薯15分鐘(焗完後便不會太乾)
• 用錫紙包好馬玲薯，放入焗爐200度焗45分鐘至1小時。
• 拿出馬玲薯，用叉從薯的上部輕輕插入，測試是否軟熟，輕輕能插入的，即表示焗好了。
• 沿叉的插痕輕輕用刀戒開馬玲薯，深度大約是三分二。
• 手放戒口的兩瑞，稍用力向中央壓一下，弄出開口。
• 把餡料填入薯中，灑上芝士碎。
• 放入焗爐用二百度把芝士焗溶及略上色即可。

注:這裡用的是Mozzarella芝士，它能制做出像PIZZA面那種拉出有絲的感覺，但我自己愛再加點巴馬芝士混合，因為巴馬芝士可以帶來香味。



餡料:

• 各式剩菜，比如炒過的菠菜、叉燒、吃剩的魚肉，只需要把它們切細再調味即可使用，但水份不能太多。
• 罐頭食品，罐頭黃豆、豆豉魚、炸菜肉絲、罐頭水果等等，只要喜歡吃就好。
• 瓶裝醬汁，意大利粉醬、沙律醬、果醬、西式肉醬等等，只要喜歡吃就好。

這個芝士可以做pizza，也能做焗薯，焗溶後有少許韌性，增加口感。










用刀仔中開咭入薯仔切出開口，跟住用手係左右兩邊向中間用力壓一下，佢就開左個口。

早呀ck,
有次行超市佢做得價我買左番去用,啲味係濃香啲,同埋我個人認為佢比地捫好既地方係用幾多0即幾多, ...
muitau 發表於 2010-9-8 11:01

   係呀...包裝真係好，無咁易壞呀.....

多謝分享蕃茄醬和pizza製法
小寶 發表於 2010-9-8 13:02

   唔洗客氣......我屋企人少，最中意果D做一次可以分好多次食既野。

好好好有用吖，借嚟一用下月教義工們做可以嗎？
菲愛花 發表於 2010-9-9 01:55

   好呀....

早呀ck,
我怕扯電,通常烚成半粒鐘至放topping焗熔佢,食起上黎當然無咁乾身啦.
今朝未食早餐,見到好肚餓呀!

所以我教個皮係可以一次做好多份，急凍係雪櫃。要想食時拎一塊出黎放材料囉....其實做好皮後，最重要 ...
cklife 發表於 2010-9-9 07:32

以為自己入錯版添!

無加香草 WOW!

以為自己入錯版添!

無加香草 WOW!
llaus 發表於 2010-9-9 12:06

   係呀..依個人因為有人話做pizza麻煩，可以搵左個舊食譜放上黎頂住先啦...下次加番D香草入去...

馬鬱蘭又收獲喇....種香草真好..唔洗點理又有得食喇學草友整左個香草曲奇(香草曲奇食譜)

到手香(左手香、過手香、蕃檸檬)

性味︰味微澀，性微溫

功能︰化痰止咳，健胃、止痛

主治︰寒痰咳嗽、哮喘。胸痛、疝痛。消化不良。

香港中草藥 第8輯 第144頁

鳴謝菲愛花提供資料
http://hkplants.com/thread-55616-1-1.html



番檸檬葉薑茶(二人份)
番檸檬葉6兩(225G)
薑1大塊
蜜糖適量
水適量

做法︰
1.先把番檸檬葉浸泡半小時，然後稍為沖洗，備用。(浸泡以防農藥，自己種既可以不浸)
2.薑拍扁，放入大半煲水中，加入番檸檬葉，烋半小時，熄火後盛至杯中，可加入蜜糖飲用。

食譜來源︰第789期飲食男女 P.183 寧神養氣(謝寧)
----------------------------------------
補充一D資料，係中華醫藥睇到既，係一位中意用薑做補健既老中醫...

佢提醒，薑每日只能食幾塊，食得多會上火。


另外...保健用途(用黎驅感冒除外)，食薑係一日黎講係早上食最好，夜黑就唔好食，因為薑係散發既食物，而一日中早上係陽氣上升既時候，所以早上食有幫助既效果，而夜晚陽氣收歛，身體要做其他事，就唔好食薑去擾亂佢。


同道理，秋天係收歛既季節，所以秋天唔食薑。

--------------------------------------------
補充一D重量計算既資料...

一斤十六兩制，一兩=37.5G，六兩=225G

一兩十錢，一錢=3.125G


從秦始皇制定統一度量衡，到新中國成立之初，我國一直沿用一斤十六兩的計量方法。

1959年6月25日中國國務院發佈《關於統一計量制度的命令》，確定米制為中國基本計量單位，在全國推廣使用，保留市制，“市制原定十六兩為一斤，因為折算麻煩，應當一律改為十兩為一斤。”中藥計量仍襲舊制不變。


從1979年1月1日起，中藥計量單位也改用了米制，用“克、毫克、升、毫升”，不用“兩、錢、分”等。

到手香(左手香、過手香、蕃檸檬)

性味︰味微澀，性微溫功能︰化痰止咳，健胃、止痛主治︰寒痰咳嗽、哮喘。 ...
cklife 發表於 2010-9-11 08:24

早吖！
有好野同大家分享，多謝您！
知道佢甘有用上網都找不到上述有關食譜吖
今晚放工要即試
+埋薑重好，對胃幫助好大添
吾駛再飲苦茶

早吖！
有好野同大家分享，多謝您！
知道佢甘有用上網都找不到上述有關食譜吖
今晚放工要即試
+埋薑重好 ...
菲愛花 發表於 2010-9-11 08:31

   嗯..薑本身有健胃作用，係中華醫藥(CCTV)度，就有介紹一個老中醫，日日食薑做保健，就係要佢既健胃作用。

落大雨呀.....係咁落係咁落......都無乜去睇植物
昨日朝早見涼涼地去假天台睇下雨景，發下吽豆，點知見到佢，睇佢就辛苦喇，由地下爬上二樓再爬上假天台，越過通菜向住潺菜進發。




今日呢，晨早去買隻雞，準備整銅盆蒸雞，點知調味時發覺，唔記得買蔥、唔記得買薑。
好彩有種，雖然未到收成時候，但新薑都算幾夠肉。(薑種上次唔記得買薑己經食左，依舊全塊係新薑，春天落種)
睇黎未到收成時候D薑會被我食晒.....

整左係雪櫃，梗係要食左佢啦...

就係蕃茄意大利雲吞喇....蕃茄意大利粉+懶惰版意大利雲吞

回復  cklife
今日呢，晨早去買隻雞，準備整銅盆蒸雞，點知調味時發覺，唔記得買蔥、唔記得買薑。
好彩有 ...
花園仔 發表於 2010-9-13 13:40

   比你估中喇.....我偷雞無用銅盤呀...所以應該叫剛盤蒸雞...咁梗係會差少少啦....老公唔咋形就算過到骨囉....
無沙薑....因為我只係種左普通薑.......乜要用沙薑架...我搵到既食譜全部都係用普通薑咋...

馬鬱蘭摘頂，薄荷又摘頂，樣樣收左少少，做左個沙律。



綠豆芽性偏涼，做沙律記得加番D黑胡椒



林料︰
綠豆芽、馬鬱蘭、薄荷葉、香蒜羅勒橄欖油、紅酒醋、黑胡椒
做法︰

• 綠豆芽摘走幼根，馬鬱蘭摘葉去枝。
• 薄荷葉切絲或用手撕成小片。
• 香蒜羅勒橄欖油加紅酒醋調勻，試味。喜歡稍甜的可以加少許白糖。
• 醬汁加入綠豆芽和香草拌勻上碟，曬上黑胡椒即可。

註︰
若覺單調可配切片熟雞蛋或煎牛扒食用。

ck,
我其實都好想種薑,不過我媽子受啲古老傳說影響攪到我都唔敢種,
唔種唔係怕,不過費事有咩事懶去我到add5icon

What's the 古老傳說?

ck,
我其實都好想種薑,不過我媽子受啲古老傳說影響攪到我都唔敢種,
唔種唔係怕,不過費事有咩事懶去我到add ...
muitau 發表於 2010-9-15 10:52

  比人賴就唔好喇...唔種薑可以種第二樣嘛....
癈事老人家唔開心嘛....媽咪得一個架咋...