為食香草

好似好大棵幾亞地方咁....我諗我會選體積細D既龍脷葉....因為種過咩....又係野草咁既野...唔洗理...

回復 181# cklife
其實隻蚌花唔係好大棵，都係好粗生，同龍利葉有得比

有無試過蚌花呀?
用蚌花(乾或新鮮都得)保豬展
要保2個鐘左右
都是止咳啵 ...
llaus 發表於 2010-10-11 20:18

    請問咩尼架?

禁靚囉尼bo湯?

請問咩尼架?

禁靚囉尼bo湯?
gtrnismo 發表於 2010-10-13 01:25

師兄!!
唔係隻蛙想駁嘴呀,
霸王花都好靚啦
又係囉來保(打唔到)啦

大家種左咁多香草，應該有人會拎黎浸下香草油，今日整左個香草麵包，大家可以一齊玩下丫....(當然要有焗爐啦)
意大利香草包配青醬好好味呀~~~


今次用既香草油係百里香，放係麵糰中間既係今期採收既新鮮馬鬱蘭。
因為無準備其他材料，所以包麵就只有一個個洞洞，大家有橄欖火腿等等可以塞入D洞洞度一齊焗。



義大利香草麵包
高筋粉315G
低筋麵粉135G
細砂糖25G
乾酵母9G
水250G
橄欖油45G


製法︰

• 材料除油外全部混合，略揉搓成麵糰，成麵糰後再加入油一起揉搓至麵糰光滑，發酵至二倍大。
• 整形︰把香草均勻搓入麵糰中，再把麵糰用麵粉棍擀成焗盤大小，烤盤放上牛油紙，再將麵糰放上，略壓把麵糰均勻的平鋪在盤上，用手指壓出一排洞，發酵至二倍大。
• 發酵完用噴壼把橄欖油噴在麵糰表面，灑上鹽再用手指在之前壓出的洞上用力壓至盤底。
• 預熱烤爐，放入麵糰以180度焗15分鐘。

註︰

• 橄欖油先以香草浸泡一星期增加香味。
• 最後一次發酵後，所灑上的食鹽是海鹽，焗完不會溶化， 再用手指壓洞後可以放上各式不同食材於洞上(橄欖片、火腿片、乾果、香草等等)
• 用小焗爐的朋友要注意，因為發熱線近麵包面，所以要留意，包面上色後就要蓋上錫紙才繼續焗，不然焗好了，麵包面就燶了。

個包只係焗到中間上色，因為我個焗爐就係咁囉.....

Is 倒手香 = 碰碰香?  Any difference in usage?

Is 倒手香 = 碰碰香?  Any difference in usage?
SSL200507 發表於 2010-10-17 23:26

你好, 不論外形和氣味等, 都是完全不同的^^

檸檬薄荷 = 倒手香?  What's the difference on usage for 倒手香 & 碰碰香?  Thank you.  

檸檬薄荷 = 倒手香?  What's the difference on usage for 倒手香 & 碰碰香?  Thank you.   ...
SSL200507 發表於 2010-10-18 02:31

   有人講過架喇...你睇下個貼囉...http://www.hkplants.com/viewthread.php?tid=36752

第一次試下自己留種籽，見甜蘿勒D花都無乜喇...剪左佢出黎風乾下先。





想留番D養份比D種子，剪左底下D葉，所以好樣衰，秋天開始佢就追光，所以都生得幾斜，唔敢再放係欄杆外喇，怕佢跌落後巷。





雖然樣衰衰，不過仲有好多葉架，慢食埋先清左佢。





我種得最好既一棵甜蘿勒，記錄下先，有26吋高架。(由泥面量到最高既一條枝頂)


馬鬱蘭都收左花苞，不過裡面好似係空架，無見到D黑色點點野。

你的甜蘿勒真的很大棵啊, 請問種左幾耐?

你的甜蘿勒真的很大棵啊, 請問種左幾耐?
春田花花 發表於 2010-10-19 10:15

   係春天種架...係超市買枝條番黎插架...

大家種左咁多香草，應該有人會拎黎浸下香草油，今日整左個香草麵包，大家可以一齊玩下丫....(當然要有焗爐 ...
cklife 發表於 2010-10-17 22:47

lunch食得唔飽而家剛剛好,多謝晒!

我啲羅勒都準備比佢地開花結籽喇,咁冬天就唔使喺天台咁耐,不過啲紫蘇唔知係咪比我採得多無機會開花,而家都仲欣欣向榮...

lunch食得唔飽而家剛剛好,多謝晒!

我啲羅勒都準備比佢地開花結籽喇,咁冬天就唔使喺天台咁耐,不過啲紫蘇 ...
muitau 發表於 2010-10-19 16:05

   紫蘇本來都無開花跡像，但去旅行時諗住修左d枝，得佢無咁易死，點知條完枝依家佢地就開花喇。上次見過好似大人都係咁，一條完枝，棵野可能以為時日無多，就開花喇。

我覺得你唔好咁早剪d花乾先~
有可能d種子未形成bor~~~~

我試過收九層塔種子€
我等佢乾到死咁濟先收
最後我估太約1/3乾花有料到~

我覺得你唔好咁早剪d花乾先~
有可能d種子未形成bor~~~~

我試過收九層塔種子€
我等佢乾到死咁濟先收
最後 ...
gunbuster363 發表於 2010-10-19 17:24

   吓...咁呀....我搣開一個花見到佢有粒包滿既青BB種子，咁諗住風乾左可以拎去種添....家下都無法啦...剪晒喇.....望佢有一兩粒發到啦...

為左條魚，買左兩塊防風版番黎，雖然條魚無游過黎，但買左材料，都要整既。冬天北風都好勁下，做定準備功夫啦.....
係開工其間，論論盡盡既我，意外令棵大蘿勒意外折枝，見人水栽蘿勒，又想試下，反正冬天我D蘿勒係假天台都好難生存。

順便拎黎做實驗....



只係一日姐...生左根喇......





實驗另一對像係到手香，總係越睇越覺得佢似細個時種既落地生根，所以又試下用插葉方式，睇下用葉可唔可以繁殖...
十日喇見佢仲未枯...但又唔知佢有無根喎...因為佢太粗生，好難估佢無根幾時會死。





好彩又攞左D去玩水插....水插易睇D呀....實驗成功...原來葉都可以生根架....
星期一去買麥飯石番黎種左依幾水水插生根既葉先，玩下水栽到手香。
到手香水插要注意唔好比葉沾到水呀.....





為左葉唔浸到水，我用依個方法....大家見到D水綠綠地色，因為我懶.....無換水...D水成十日架喇...生左青苔添
淨係D莖沾到水。

班蘭葉番生喇.....慢慢咁生緊葉添....之前黃剩半塊葉，以為佢死左添...



紫蘇修枝後開花喇....下次知囉...秋天想佢開花，可以大量修剪枝條試下。




風雨蘭變成咁...係咪正常呢.....真係似斑蘭葉翻版




馬鬱蘭夏秋天都係咁樣，長剪長有。




秋冬天輪到依個位有陽光，香草都搬左過黎




係第一頁示範既蘿勒插枝既小蘿勒，示範完無理佢，一直放細盆，佢都一直無乜長大到，最近大蘿勒準備退休喇....拎番佢出黎，同佢換個大盆，加番肥又摘左頂，一個多星期己經大左好多，開始向大蘿勒既形態進發，睇黎應該唔會令我失望，遲D可以取低大蘿勒既地位。

14-8-2010




3-9-2010
重新拎番佢出黎，幫佢換左盆，希望佢快高長大，可以代替要退休的大盆蘿勒。





29-9-2010
生多左少少葉，但D葉仲係好奀，唔係好理想，所以同佢摘頂。



13-10-2010
形態係好左少少，但仲係好奀...淨係摘頂都似乎唔係好夠。





24-10-2010
用左自制廚餘酵素當肥料，第四日似乎唔錯，D葉大塊左。

我也是剛剛才知道到手香都可以插葉生長,
我最近都有玩水培啊(因為怕煩)
我玩的是水培green mint和紫蘇

我也是剛剛才知道到手香都可以插葉生長,
我最近都有玩水培啊(因為怕煩)
我玩的是水培green mint和紫蘇 ...
jeffiau 發表於 2010-10-25 13:58

   同我玩既植物唔同喎....真好，得閒貼下相呀.....