本帖最後由 菜妹 於 2019-5-11 12:55 編輯
自從近年可以係屋企種野開始,經常會係ig睇世界各地網友既室內植物相,每當見到一見鍾情既植物都好易因日有所思 夜有所夢,夢中不外乎係我在園藝店買到心頭好或者係有朋友送俾我做禮物咁,有時亦會夢到自己旅行中野生採摘,基本上近年發夢都係關於呢類。 當夢境中正沈醉於得到新植物時,往往就即刻夢醒。
飛機草,第一次發夢見到既擁有既植物,曾經拎過花友分享既種子,發芽失敗。
西瓜皮椒草
魚骨
酢醬草
早兩日夢見係機場商店見到佢就起貪念,走去問店員剪枝條,店員拒絕,我猛話自己好鐘意植物,屋企種左好多,最終店員俾我煩到肯剪條枝條俾我,之後就笑住醒左。
訓醒覺得自己發左個唔要臉既夢,原來夢中既我咁厚臉皮,現實中只識企係店外睇望望幻想將來都要擁有一棵。
心葉球蘭,暫時係唯一擁有又夢過既植物。兩位花友俾過我,現剩返一棵未死,但種半年仍未出新葉。
夢過既植物仲有不計其數,雖然未能一一擁有,短暫夢境中都是甜蜜回憶。 |