本帖最後由 Sumbie 於 2018-6-26 18:39 編輯
更新一下各種蘭花的近況:
1) 石斛大部分生長旺盛, 因應環境改變了原本的設計, 本來在蛇木板上厚厚的水苔已經大部份拎走. 本來怕太熱會令根太乾, 但後來發現佢地寧願乾好過濕, 太濕令佢地開始爛, 好彩發現得早! 現在大部分已長新根, 亦開始依附在蛇木板上! 不過部分葉端有焦黑, 可能有時太陽太猛烈
2) 文心蘭生長得最好, 好多新根, 部分亦有側芽. 我最有信心佢會開花
3) 加多利 - 之前萬X園買的一棵, 不小心甩了一粒花苞, 第二粒消苞, 第三個開到但變型. 發現一粒薊馬但已清理, 再冇發現其他. 另外在BUNBUN買了加多利苗, 一棵懷疑有病毒已隔離. 哩棵莖同葉之間有黑色, 之前幾塊葉背黑色一點點, 已剪, 又有用內吸及外用殺真菌藥, 再觀察一下, 隨時燒燬....
4) 蝴蝶蘭- 種植環境太悶熱, 下雨又會太濕, 所以決定大部分上板及室內種. 最早上板的已經開始見根部活躍, 末端有生長. 大棵的本來想等開完花先上板, 但因開始爛根所以立即上板. 室內的大多數係救回來的市場蝴蝶, 有一棵已經回復生氣, 另外的因爛根嚴重, 大部分根已剪, 仍然休養中. 部分已有新根隆起. 最差的是$10 BUNBUN蝴蝶, 花落後葉黃, 之後另一葉有缺水現象. 現正在隔離病房觀察中, 有病毒就人道左佢....
|