請問 高手1%透明質酸 同 納米透明質酸 有咩分別？

請問 高手1%透明質酸 同  納米透明質酸 有咩分別
大細分子既分別？
用量應該點配撘先啱？

我不是高手, 只是多口~

有納米透明質酸就不用混一般透明質酸, 同一種野, 只是納米透明質酸分子更細更易被皮膚吸收.
用量請留意店家建議份量, 個人強烈建議用透明質酸宜少不宜多, e.g. 原液: 花水 = 1:10 .
新手扎記有更多資料.

1%透明質酸即係先用1g透明質酸粉開純水99g,正確名稱係"1%透明質酸液"
呢支就係我地口中成日叫既透明質酸~
如果diy cream 中有5%透明質酸,即係每100g成品中有5g是"1%透明質酸液"

納米透明質酸係粉定係液體?
如果係粉,呁即係份子團較細的透明質酸粉~
加入diy 時先整成1%納米透明質酸液~
好處是較容易平均留向皮膚,增加吸濕效果,唔好處係貴囉


切記,diy 配方中提及的透明質酸是"1%的透明質酸液",如配方是10%透明質酸,千萬唔好落10%透明質酸粉,如何整左包保爛面


所以我比筆記,一定寫明係加幾多"1%透明質酸液",唔會寫加幾多透明質酸,以免誤會~

jellyfishy 發表於 2014-1-20 08:56
我不是高手, 只是多口~

有納米透明質酸就不用混一般透明質酸, 同一種野, 只是納米透明質酸分子更細更 ...

咁可唔可以咁講
透明質酸: 水 = 1 : 10
如果我想做 100g lotion


我用
10g oil
2g 乳化臘
8g 透明質酸
+
80g 水

係咪咁

糖糖出手啦,
成日上堂講慣左納米科技用向藥品(我老細最近要解釋納米Q10係乜東東)係用來使人體更易吸收
有野更正,透明質酸正如糖糖講係留向面上吸水,所以太濃反而會將皮膚內的水份抽出
納米透明質酸係細好多既分子團既透明質酸~

謝謝各位解答, 此帖已入新手扎記作為有用資料.

年年都有人問呢個問題, 所以我們上年已放相關資料入新手扎記, 大家今日再溫故知新, so good 呀~~~  

襯冇心機做野,向處寫少少關於"納米"的淺解,盡量用左D唔化學唔物理既字眼,如有寫錯,請指正

平時,所有存在物(包括空氣,佢有重量架)均是原子/分子組成,原子係單一物質,係構成分子的基本元素,簡單D例如鑽石,係碳組成,水係氫同氧組成~
而不同的原子組合/分子組合亦構不同的的東西
而物體內的分子自然狀態下會以"分子團"的形態存在;多個分子聚在一起成,即為體積及重量較大分子團,例如我地飲開既水,並不是單單H2O平平整整一個個分子平均組成的東西,水內是大大小小不同數量的水分子團組合而成,所以而且有納米水,係用納米技術將水分子團打散,等"水"細粒D,容易滲入細胞內,使水發揮更有效的作用
好耐之前你地有冇留意一個賣濾水器廣告,佢地賣點係將"水分子"打散,我有寫信去話代理商知,打散水分即係將水變成H2 及O2來飲
其實佢地賣點係將水分子團打散,使更有效被吸收才真~

而家好多樣東西材料都加上"納米"字眼,其實即係內裹的分子團較細而已,並不是改變甚麼東西,分子細左有乜好處,大家可以自己去想~

水母,睇下易唔易d明白

平日我地飲用既水係咁,呢個係自然狀態存在方式

會以一個個粉紅色的"分子團"咁存在,即係一個粉紅色係一個"水",要這個粉紅色的東西滲入細胞內才發揮"水"的功效


納米水以這個形態存在,正常自然此狀態的少之又少

一個橙色東西就是一個"水"的"分子團"

兩種水,那個容易進入細胞?那個容易吸收?

"納米"呢個字眼其實就只係一個單位用來形容大小
比D廣告公司形容得好好同好細,對身體皮膚好
的確,如果冇咩化學物理底子既人聽左就真係完全信曬
試諗下,如果係有害物質,如水銀,被打成納米細小,你就吸收曬,實在危險

呢個貼,好好睇

納米透明質酸我唔多清楚...

但以前搵過資料...透明質酸粉係有好多個size ...
以我有限既記憶係咁.....

大份子既透明質酸主要用黎保濕，因為滲加力較差，可以係皮膚表面形成保水層(主要係抓住空氣中水份)，主要係用黎保濕既...
而小份子既透明質酸，因為份子細，滲透力較強，可以作為載體，將其他材料既成份帶入皮膚。

我自己DIY唔會用好細份子既透明質酸，因為細份子可以作為載體。我會怕將一D自己唔想佢進入身體既野帶左入去，反正只想護膚，攪攪皮膚表面就算。
如果要攪皮膚入面既，我情願用食療。我對可以滲入皮膚既野，有一定戒心。

一般都係見到大份子既透明質酸,
咁有無人知 小份子既又係邊度有得買

因為我見到有人話, 制作保濕水, 可同時用2種既(大同小份子) 透明質酸,
咁樣, 就皮膚上下層都得到保水

精彩.精闢