本帖最後由 花園仔 於 2015-10-2 18:16 編輯
ellenchow你好!
種嘢好呀! 俾少少心機同時間落去一定成功嘅!
我都好鍾意用呢種菜盆黎種嘢, 盡管依家有較大面積地方栽種但仍然保留咗幾個菜盆黎種嘢架! 敝帖前期有好多用呢種菜盆種嘢嘅分享, 有興趣咪慢慢睇吓囉!
用呢種菜盆種嘢最好用物料承托離地面高啲可減少蟲害, 到3興處買少少防蟲網布整個小型防蟲網罩就可以開開心心黎種嘢嘞! -- 防蟲網罩好易整, 一陣間工夫就OK啦!
蟲害幾時都有嘅只係唔同時段有唔同嘅蟲蟲出現啫, 都唔難搞格, 你按上面做及買定啲有機農藥如清源保, 三益, 蛇床子素....按說明書做就得嘞....
各種生菜都好啱種又易種, 想過年整蘿蔔糕體10月10日左右落遲水蘿蔔種籽啦!
其實體10月中期種秋冬植物成功率係極高架....
總而言之種植係簡單容易又開心嘅事黎千祈唔好搞到咁複雜呀!
仲有, 西瓜雖然唔怕熱但早晚溫差變化大先至生長得好嘅, 先棑早晚氣溫都冇乜上落我啲西瓜都瞓咗覺啦! 不過呢款西瓜太好食嘞(又甜又脆)而家又試種吓囉! |