我個花園仔雖然細細但都種過好多嘢架!
現時種嘅生果有木瓜﹑芒果﹑楊桃﹑黃皮﹑檸檬﹑葡萄﹑金橘等……
以前種過有柳橙﹑番石榴﹑青棗﹑西印度櫻桃﹑釋迦﹑荔枝等……
蔬果就唔講禁多咯!
第一年種時好乾淨無果蠅㗎,點知第二年就有好多果蠅來針到啲果花斑斑,最初都唔
知系乜東東嚟㗎,後來查查吓先知係果蠅,咁咪打電話向漁農署問囉,果個主任好
好人,即刻就同我聯絡並寄來兩種不同厚薄及尺寸嘅不織布保護袋給我試用,並介
紹我購買不織布自行製作,不織布是有分不同的厚薄,而做保護袋的是14g及
25g兩種,此布可多次使用後會自然分解, 我認為25g好用!
購買地點在深水埗,石硤尾街附近。
價格好搞笑㗎!! 果啲不織布每匹長1100碼, 原匹購買14g每碼七毫子,
原匹購買25g每碼一蚊雞, 如散買無論厚薄都係每碼十蚊雞, 而且不受歡迎添!
製作袋袋極之簡單, 大小尺寸隨機應對用膠袋封口機封口即可…..
用法也簡單容易, 袋型又得筒型又得, 用紥花軟線封口就OK喇! |